حبيبتي كل وحده قبل الزواج تفكر وتحدد شخصية فارس الاحلام 8على حسب حاجتها النفسيه والماديه كمان

لكن الواقع شئ والاحلام شئ ثاني انا لما خطبني ولد عمي وصار كتابة العقد وخلاص كانت فيه حالة تردد

ولما تزوجنا في بداية الزواج صدقيني ماكنت احس بأي مشاعر لأني ماعرفته غير مامر على زواجنا أكثر من سنه بعدها بدأت أميل له

لكن ذحين أموت على التراب اللي يمشي عليه حبيته بأخلاقه وطيب أصله اللي بأوصله لك انتي لك 10 أشهر متزوجه

يعني لسه عروسه لاتحكمين على قلبك وحياتك صدقيني بعد مايمر على زواجك سنتين وكمان جبتي اولاد منه راح تتغير عواطفك

لأن دايما بداية الزواج يكون الازواج ماعرفوا بعض مضبوط لأ ن العشره وظروف الزمن راح تبين طيب الاصل والمعدن

اتمنى وصلت فكرتي لك

اقسم لك بالله ان بنات اخذوا ازواجهم عن عدم حب وقناعه ومافيهم جمال مع العشره صارو يخافون عليهم من الهوى الطاير والله كانو يتمنون لازواجهم الموت وسبحان الله تعالي الحين شوفي الحب على اصوله والغيره عليهم حتى من النظر غير المقصود

انتي ما تحبينه عشانك
وافقتي عليه في ظروف صعبة
وما فكرتي بنفسك وبرغبتك
فكرتي في غيرك
عشان كذا تحسي انك ظلمتي نفسك
بس لو إنه تقدملك في ظروف احسن من كذا
كان وافقتي وأنتي طايرة من الفرح
خصوصا انه مش قبيح يعني
شكله مقبول ومقبول جدا زي ماتقولي
وانك تحمدي الله على انك رفضتي الرجل اللي تقولي
عنه وسيم بس ضايع
يعني حبيبتي مو مشكلتك شكل زوجك لكن مشكلتك
انك تفكرين بينك وبين نفسك انو لو ما استعجلت
بالموافقه كان عندي فرصة اتزوج رجل احسن منه

حبيبتي اجل إللي متزوجه رجل قبيح وضعيف شخصيه
ومذوقها الوان الإهانه ليل ونهار
وعيوبة اكثر من حسناته وش تقول

احمدي ربك ع النعمة إللي انتي فيها

الله يوفقك لرضى الله ثم رضى زوجك

انا معك ان القبول من الله

لكن صدقيني مع الوقت بتتقبلين شكله لان اخلاقه معك حلوه

اقولك سالفتي مع زوجي

احنا بعد زواج 7 سنوات انفصلنا والانفصال جاء مني تعبت من معاملته معي مهمل وبارد وماهو قد المسئوليه تجاهي وتجاه بناتي

وتوقعت يستسلم ويتركني والله بعد شهرين قدر يرجعني وانا مقتنعه ماارجع وسئلته ليه تمسكت فيني ؟؟

قال مع انك حلوه احم احم .. هو يقول مو انا :) .. بس فيني شي خلاني مااستغني عنك ولاني احبك

قلت انت معاملتك ماتدل انك تحبني .. بس انا اقولك ليه رجعتني لان معاملتي معك حلوه صح ؟؟ قال اكيد هذا هو السبب

يعني حبني لاجل تعاملي مو عشان شكلي

فانا اقولك مع الوقت بتحبين زوجك من معاملته الطيبه لك

خوذي فترة نقاهه عند اهله وشوفي انت بتشتاقين له والا لا..وبتلقين من اول يوم بتشتاقين له ان شاء الله




ودمتي بود

كانك تتكلمي عني اول مارتبطت بزوجــــي ماكنت احبه ابد ولا احب اطالع فيه ولا حتى يلمسنـــي تخيلي لها الدرجه نفسي ماكانت تتقبله ابد ونفس الشي اهــلي كانوا موافقين عليه

بسبب اخلاقه وسمعته اللي كانت من جد والنعم فيه ولانه اغلب اللي تقدموا لي

سمعتهم مو ذاك الزود وتقدري تقولي كنت شبه مجبوره عليه وغير كذا المقارنات في الناس بيني وبينه ومشاكل لعدم تقبلي هو

كشكل وهو كان يحبني ويموت فيني وانا لا

مع الايام صرت اناظر للمييزاته ولصديقاتي اللي تزوجوا وقارنت بينهم وبين حياتي معه والله الان لو خيروني بين اي رجل بالعالم ما راح اختــار الا زوجــــي ترا الزوج الصالح نعمه من الله طالعي للمميزات زوجك وحبيه مثل

ماهو وراح تعرفي معنى السعاده والرضا

لاتقولي العيال تحببني فيه تقربي منه وشوفي جوانبه الطيبه وكل ماطرت فبالك وحده من الافكار الشيطانيه ماحبه ابي اختار شريك حياتي تعوذي من ابليس واستغفري وبدلي هالفكره بشي طيب يقربك من زوجك انا

كذا كنت اسوي وارتحت والحمد لله

وماتدرين يمكن ربي عوضك الابتلاء اللي بحياتك والظلم بزوج يحبك ويقدرك ويجازي صبرك خير طالعي للجانب الطيب وبشريني عنك باخبار طيبه لاتقولي زوجي مايحس وانا مابينت تراه حاس ومايبي يقسى عليك او

يجبركي يبي يحببك فيه ويتقرب لك

صدقيني ماكتب لك جانب من حياتي الا لانك تشبهين لي فهالشي وربي شاهد