ب الله من هالاستشاريه الفاشله

اللي قالت لتس رجلتس يعاني من ( عقدة نقص)

هالاستشارين النفسين والاسرين كلامهم واحد يرددونو ل جميع المشاكل


ي يطلعون الواحد فيه عقد نقص ي يقولون مريض نفسي
ي يقولون عندو انفصام

م عليش يعني عقد النقص اللي يتكلم كثير ب ( الأنا)


انا حلوه انا هاي انا خقق انا ذوق انا اتيكيت انا اتابع الموضه انا وانا


هذا هو عقدة النقص دايماً اللي يمدح نفسو كثير
هذا انسان يعاني من نقص ف هالشيء ويحاول بيرزو


من خلال الحديث عنو


يعني مثلاً الجميله تقول انا جميله؟
ولا جمالها واضح للعالم ومن غير م تقول انا جميله الكل يعرف ان هذي جميله؟

عمرتس شفتي جميله كل م قامت وقعدت قالت انا جميله
انا حلوه انا اخقق انا اهبل ؟

مستحيل دايم اللي تحس ان جمالها ادون من غيرها
هي اللي تكرر هالكلام عشان تعزز ثقتها ب نفسها


عمرتس شفتي بنات الراجحي يقولون حنا هاي

وعندنا فلوس وابوي يملك نص المملكه ؟

ولا هالشيء واضح للعالم وم يحتاج يقولونو


مثل بنات النعمه ب العروس تجي تلبس ب القيمه الفلانيه


وتسكت متعوده ع هالشيء


وبنت الفقر طول م هي جالسه تبثر العالم

فستاني عند مصمم لبناني ب 5000


م تخلي احد م تعلمو حتى الفلبنيات

والمقهويات وحتى اللي ب الشارع تعلمهم


وسنه كامله وهي تقول فستاني كان ب 5000

ومن زين الفستان اخر شيء كله ترتر ملعوب عليها

لو بلاش م البسو

المقارنه بين المستويات الدراسيه انا جامعيه وهذا ثانوي

انا ماستر وهذا جامعي

انا دكتوراه وهذا ماستر

وكن الانسان يقاس ب شهادتو ( العقل هو اللي يجيب الشهاده)
مهو ( الشهاده اللي تجيب العقل )

وبعدين من زين السالفه يومنتس تقولين لو
( انا احلى منك ب كثير)
الحين ذي ب الله سالفة وحده توها متزوجه ؟


شكلها ضاقت عليتس السوالف هل تقارنين جمال الرجل ب المرأة ؟
عشان تقولين انا احلى منك بكثير ؟

اقبح وحده تخش الغرفه وتطلع الاهي اطلق من اوسم واحد ف العالم خصوصاً
مع المكياج والعدسات والترزز وو


يعني هالشيء مفروغ منو


وشلون جايه تقولين حنا عائله راقيه وهم عائله شعبيه؟


وش الفرق بين العوائل الراقيه والعوائل الشعبيه؟ يعني عشان سكنتو حي راقي وبيت جديد صرتو راقين؟

وهم ظلو ع بيتهم اللي ف الحي القديم صارو شعبين ؟ الحين انتي تقيسين الناس به المنظور ؟


كل هالاشياء اللي انتي قلتيها سطحيه وخصوصاً
يوم تقولين
( يفتخر فيني عند اهلو اني اتابع الموضه اول ب اول )


انتن كل وحده فيكن تحسسني انها البنت الوحيده
اللي به الكون اللي تعرف هالسوالف وانها مميزه به الشيء



ب العكس اشوف رجلتس جداً سوي م يعاني من اي مشاكل نفسيه ولا عقد نقص


ب دليل جا وخطب وع بالو بيت عرب وبنت عقليتها نظيفه م عندها سوالف المبزره والمقارنات


لكن يوم تجي الصدمه انتس تقارنين ب اشياء تافهه الانسان هو اللي يجيبها


السكن العلم الرقي وهالكلام


كنو انجاز م كنو شيء عادي جداً


المشكله رجلتس مو مقصر معتس ب شيء ابد

حتى السفر ب يسفرتس وب يدفع لتس ع السفره 30 الف


تقولين يشري لتس اغلى الاشياء والماركات وبدون م تطلبين منو


بس عشان م يمدحتس احياناً قلتي انو ينتقم؟ ويحاول يقلل مني ؟


سؤال اذا انتي تشوفين انتس من الطحاطيح
اللي اهلتس يقدرون يجبون ل ولدتس
( شغالات ومربيات)


الله اكبر ي ( ت) اللي تبهر كنتس بنت بنات بابا عبدالله

ليش وافقتي تتزوجين واحد معو الثانوي ؟
وعندو عقد نقص ؟ واهلو شعبين؟

اكيد م خلاتس توافقين عليه الا انو فيه مميزات انتي تفقدينها فيتس
وف اللي حولتس

لو م في اي ميزه م كان وافقتي عليه ابد


وشكل رجلتس رجال كفو

بس للاسف طب ب وحده فاهمه الرفاهيه والثقه ب النفس غلط

انا اشوف انو هو واثق من نفسو اكثر منتس
ب دليل هو م قال انا احلى منتس

انتي قلتي انا احلى منك

هو م قال انتو شعبين

انتي قلتي انتو شعبين

ب العكس هذي مو ثقه ابد انتبهي

الزواج اكبر من هالسخافات والمقارنات والمعاير

الزواج شيء اسمى من هالخثاريد حقتس

الحين صار رجلتس وابو ولدتس

سالفة انتو تحت وحنا فوق م عاد تفيد

لانو صرتي تابعه لو الحين انتي

وعيالتس يشيلون اسمو

الانسان يعيش مره بالعمر
وحرام يوم ولا مو يوم حرام دقيقه تروح بنكد وزعل الدقيقه لاراحت ماترجع
الزم ماعليك حياتك
استخيري والله يعينك

الله المستعان

زوجك من النوع اللي ماينسى شوفي شخصيته

في البوصله الشخصيه حقت علماء النفس

واتعاملي معاه على اساسها

ان شاءالله راح تستفيدي وتفهميه اكثر

أنا أقول إذا إنعدم الإحترام .. الحياة جحيم ..

المرأة لها كرامة ثماما مثل الرجال .. لا تسمحين له ينتقص منك عشان يثبت لنفسه انه يسوى ..
عنده إحساس بالنقص وكبير وتسامحك معه في إسلوبه يزيد من عقدته ..
إذا لك أهل فهذا وقتهم ..

هذا رأيي وأنت استخيري .


نصيحة يا بنات التكافؤ بين الزوجين في كل شيء مهم .. في الحالة المادية والعلمية والإجتماعية .. هذا الصح والعقل ..
والعاطفة والكلام غير المنطقي ما يفيد .. والخاسر الأكبر المرأة .