نفس المشكلة

الرجل بطبيعته يختلف عن المره وانتو كزوجات لازم اتقدرون هالشي ...يعني حتى لو كان الريال يحب الكلام عند المره يصير ولا شي فما بالكم بالهادي واللي طبعه ما يتكلم..
دعواتكم اذا زوجج اتقولين مع ربعه يتكلم ومعاج لا..انا اقول يمكن انتي تكلمينه بمواضيع ما تستهويه...دوري شي اهوا يحبه ونا قشيه فيه بس هم مو دايم
شغلي نفسج عنه وصيري نفسه لا تكلمينه وايد خليه اهوا يكلمج..
وانشالله يتغير

السلام عليكم ..
عزيزتي "دعواتكم" هذي اول مرة اكتب فيها في المنتدى ، جذبني موضوعك و ارجو ان يكون لرأيي و لو القليل من الفائده.
انا مو متزوجه لكن بقول لك رايي من تجارب عاديه. اتقولين ان زوجك يحبك لكنه مايتحاور معاك و اذا كلمتيه وهو عالنت او بالسياره يتضايق ومع ربعه يسولف بطلاقه. اقول لك ببساطه يمكن ماله مزاج يتكلم مثلا لما يكون عالنت يكون قاعد يقرا او يكتب شي معين و يكون بذاك الوقت مندمج وحاب انه يقعد عالنت و مايتكلم . وفي ناس مايحبون يتكلمون بالسياره، بعض الناس عندهم المشي بالسياره مع سماع شريط معين متعه و لما تنقطع هالمتعه بالكلام يتضايقون . اللي اقصده حاولي اتعرفين هل زوجك من هالنوع والا لا. لا تفتحين معاه موضوع وهو لاهي بشي معين "مثلا لما يتابع شي بالتلفزيون او لما يكون عانت" ، و لا تفتحين موضوع في وقت مايحب يتكلم فية "مثلا عالأكل او لما يكون توه قاعد من النوم او توه راجع من الدوام" .
و اختاري مواضيع اتهمه وابدي فيها الكلام و علشان تجذبينه وبعدين انتقلي للمواضيع الي تهمك راح يسمعها باهتمام اكثر من قبل لانك شديتيه في البدايه . وحاولي اتعرفين اذا كان في اسلوبك شي يزعجه وتخلصي منه .
انتي اقرب الناس لزوجك معاك يكون على طبيعتة ماراح يجامل او يتكلف و يقضي معاك وقت اكبر من اللي يقضيه مع ربعه يكون عارف اخبارك وعارفه اخباره اصلا انتو عايشين مع بعض و الاحداث الي تصير لكم تمرون فيها مع بعض هالاشياء اتقلل من السوالف. لكن مع ربعه الوضع يختلف .
بتقولين لي ابي اتكلم بمواضيع عامه مو اخباري ولا الاحداث اليوميه اقول لك اختاري الوقت الموضوع المناسبين و انشاء الله يسمع ، و لاتنسين انه طبيعته غير طبيعتك يمكن يسمعك لكن مايعطيك الوقت اللي تبينه حاولي توصلين لحل وسط.
اهم شي انك اتناقشينه بالموضوع بطريقه هاديه بدون لوم او عتب واتعرفين منه الاشياء اللي مايحبها

يا صبايا والله زهقت حالي كل مشاكلنا عشان الصمت
يعني زوجي العزيز بدخل البيت الساعه 7 مساءا يعني لما يخلص شغله ولما يجي لا اما بجلس على النت لا اما بتفرج على التلفزيون
وبزعل مني اذا قلتله احكي معاي
ودايما بحكيلي انتي كثيرة الكلام
والله يا بنات مش بأيدي يعني اتخيلوا انا ب الغربه ولا بعرف حدى ولا بشوف حدى
والله العظيم زهقت حالي
يعني اليوم صارت اكبر مشكله بينا

ساعدوني من شان الله حاسه اني راح انفجر

وانا متحمله هذا الصمت 3 سنوات ونص

:06::06::06::44::(:06::06::06::(:(:(

ياحبيلك يادعواتكم

والله انك اثرتي مشكله اعتبرها القاسم المشترك عند 90 بالميه بين المتزوجين في المملكه تحديدا

الصمت القاتل

انا عاد والله مااذكر بحياته ناقشني بشيء اواهتم بسالفه تخصني اوتخص اهلي اواجتمعنا على فلم اوبرنامج

عالرغم اني ادري انه يمووت فيني ووماينقصني شيء ابد الحمدالله ثقافه جمال عائله اسلوب مرونه

وهو يعلم اني اتفوق عليه كثير باامور بالحياة فيختار الصمت عشان مايتواجهه معاي ابد

والله يصبرني ويصبركم انا اكثر وحده اكتوت بنار الصمت والاستهتار

وانا بس اتمنى يصل صوتي لرجال كثير من هالعينه المتعبه والقاتله واقولهم ترى موكل البنات تصرفهم تجاه

هالصمت التسامح والمغفره والصبر كثير من البيوت اندمرت بسبب الخيانه والبحث عن اخر يسمع

والسبب كان زوج مستهتر صامت لايعلم شيء عن زوجته ولاعن احتياجاتها ولاعن رغباتها

الله يسترعلينا وعلى بناتنا وعلى بيوتنا والله يهدي ازواجنا ويرجعهم لصوابهم لان المشكله مافيها مزح

الصمت يبني جدران وحوجز مع الايام ماتزال ولاتنهار بسهوله

وسبحانه قالها بينهم موده ورحمه اي موده ورحمه بتنشااء مع شخص صامت وغير مبالي

الله مستعان