زوجي يحبني وانا احبه بس وين المشكله

السلام عليكم
انا مادري اش اقول لامن بادخل في الموظوع على طول انا احب زوجي وهو يحبني وكلامه حلو معي وعندنا اطفال وراتبه كويس الحمدلله وكريم في بيته بتقولون وين المشكله انا اقلكم مسوي غرفه في الملحق وحاط فيها بلازما كبير وعنده جميع القنوات والي بالي بالكم برقم سري مايعرفه الاهو وكمبيوتر وفراش لنوم يجي من الدوام ويدخل عندي الشقه يتغدى ويطلع ينام الى المغرب وبعدها ينزل يتقهوى ويشرب الشاي ويطلع غرفته وبعدها يروح يسهر مع اصحابه ويرجع بشويش علشان ماسمعه ويطلع غرفته ولاعاد اشوفه الا اليوم الثاني الصباح على طول يلبس ويروح دوامه احيانا اطلعله فوق لاكن قلبي عند الصغار في الشقه وما اقدر اطلعهم معي عنده ماخليت باب الا وفتحته في هالموظوع ويظحك البس احسن ماعندي انظف جسمي كل يوم احط عطر المنطقه ماشاء الله تمام مافيه التهابات او هوا ومسويه تجميل جسمي مسيطره عليه جميله بشهادة الجميع هلكته الترافيان اقوله اجلس وشوف كتب المدرسه درسهم مافيه والله العظيم مامسك شناطهم هاي السنه يجيب الطلبات مايقصر اقله خلاص نام العصر فوق واليل تحت يقول مارتاح مايجيني الا مره في الشهر واحيانا شهرين والله اني مرحه واحب اظحك وامزح واحب الرومنسيه ولو اسويله ليله حلوه يقول تمام كل يومين او ثلاثه عيديها ما اقصر لاكن يتهرب ويقول فيني نوم تعبان اقله مو شرط تسوي شي بس نسهر سوى وبعدها اطلع لو تحب يقول تعبان ودايما لسانه حلو لو اسوي حاجه في البيت اوطبخه جديده يمدحني ودايما يقول حبيبتي وانا حتى قدام الناس اناديه حبيبي لاكن مادري وين الخلل مره وحده عصبت وقلتله ترى ماني شغاله اطبخ واربي وانظف بروح لاهلي يتريق عليه ويقول قدها سويتها زمان قبل ثمان سنوات علشان موظوع السفر للخارج وسوى المستحيل ورجعت وسافر بعدها عدة مرات مابي اخرب بيتي ابيه ينام معي في غرفتي والله كل اسبوع اغير الشرشف وعطور وعود وجوها حلو مره على فكره يحب الجمال ويتغزل فيني وعينه طويله حتى وانا معه في المول يشوف بنات اجانب يمدحهم وفي التلفزيون يمدح احيان ازعل بس اشوفع يمبسط لو ابين غيرتي صرت مابين طولت عليكم بس وش الحل