زوجي يحبني ومع ذلك يحاول يذلني!!!!!!!!!!!

السلام عليكم

اتصلت بي صديقتي اليوم ... وهي تبكي بالمررررررره:06: :06:

تشكي لي زوجها... انا بصراحه ماادري وش اقول لها... رغم انها كانت منفعله جداااااا وتستشيرني هل تطلب الطلاق او لا...؟؟؟؟؟؟؟

اندهشت لما سمعت ان تفكيرها وصل بها انها تطلب الطلاق :mad:

يعني حسب ماسمعت الموضوع مايستاهل..
اسمعوا وش قالت لي وعطوني رايكم ... ضروررري

تقول:

زوجي قاسي قلبه بالمره... دايم يتهمني بالتقصير .. وانه نادم اللي تزوجني ... او بالاصح انه نادم ليش يتزووج سعوديه...
تخيلي ابكي او ماابكي كله واحد عنده!!!:eek:
اليوم تخانقت معاه بسبب تافه جالسين نشوي قال لي قومي جيبي صحن.. كان مستعجل مررره لان الدجاج في يده يبي صحن على طول علشان يحط فيه الدجاج..
رحت بسررعه للمطبخ وجبت صحن عادي مو زي تقديمي بالعاده.. صحن زجاج وفيه طماطم وخيار وحركه بالتقديم ..
قام يقول اييه انتم يالسعوديات ماعندكم احترام للزوج ولاشيء .. عيل هذا صحن تقديم؟؟؟؟ بالله عليك لو جوا صاحباتك بتقدمين لهم هالصحن؟؟؟
ياليتني ماتزوجت سعوديه وووووو....
انا بصراحه عجزت اتحمل قلت له اللي يسمعك يقول ماشفت خير بحياتك؟؟؟ قال اي نعم... انا ماشفت خير بحياتي .. ويبدأ بسيل من الاتهامات... خنقتني العبره وعجزت اتكلم... قمت في الغرفه الثانيه وانا ابكي جاء ولدي الكبير وشافني عمره 8سنوات ... مادريت فيه الا رايح لابوه وقايل له..
على بالي الرجال بيجي يستسمح مني.. مادريت الا وهو لابس ثوبه وطالع لاصحابه.. ولاكأن شيء صار..:(

صراحه زوجي تعبني
اكشخ واهتم فيه برضوه كله واحد عنده

والله ياام عزوووم وماامدح نفسي .. اتكشخ واتلبس ادلــله على الاخر ... مساج وطبيخ ونظافه في البيت وفي عياله حتى اشغاله هو اقوم فيها وماابالغ لدرجة اني اغير اللمبات .. واصلح العطلان .. واغير حنفيات الماي...والسخانه اغير (اللي) اذا بدأ يهرب ماي... بس علشان مااكدره اذا كان جاي للبيت...

مشاويري للسوق احيانا او الطلعات العائليه .. اخلي اخوي يقوم بها علشان مااضايقه بكثرة طلباتي...
مصاريف البيت من اكل وشرب وغيره.. اختصرها قدر المستطاع واحرم نفسي وعيالي من اشياء نحبها كله علشان سعادته وماابي اكثر عليه بالطلبات والمصاريف رغم اني غير موظفه وهوراتبه كثير وصافي وماعليه ديون ولاشيء ...

كل هذا كوم ... واستقبالي له كوم ثاني ...محترمته زياده عن اللزوم... مااحاول اني (ازعل) كثيررغم الاهانات اللي اتلقاها حتى مايمل من كثرة زعلي ويتبلد احساسه...
تعاملي مع امه وخواته وبالذات امه... رائئئئئئئئع بالمره... اعتبرهم زي اهلي كله علشان اكسب وده ورضاه...


انا مااطالبه بكلمات الغزل... ولا الاطراء والمدح... انا ابي منه يكفيني تجريحه ليل ونهار...

كل ماجلس وقام جلس يمدح في السوريه... وانتو يالسعوديات فيكم وفيكم ... وانا ياليتني ماتزوجت من الاصل...
مليت من الموال هذا ... بديت اكره جلوسه في البيت ...

تبي تقولون يمكن هذا طبعه؟؟؟؟؟

يمكن مع اصحابه ... لكنه مع امه وخواته قمه في الذرابه والحبابه... لو تشوفونه مع امه تقولون هذا واحد عمره 3 سنوات... يتصرف معاها تصرفات تغيظني يبوسها وينام على حجرها وغيرها وغيرها.. اغار بسببها ومع ذلك مااتكلم ومااقول اي شيء اخاف يزعل...

طفح الكيل ... والله مليت... ماابي كلام حلو ابي بس يسكت عن تجريحه لي .. تكفين ابي حل تكفوووون واللله اشك اني بعد مده ابطلب الطلاق ... ماني قادره اتحمل... ابي حل كيف اشرح له ان هالامر يضايقني... عنده عزة نفس شديده... اخاف اطلب منه الطلاق يعتبرها لكاعه مني ويطلقني... انا ابيه يحس بقيمتي ... عطوني حل تكفون..

هو عنده عزة نفس شديده
مايتراجع عن اي شيء ومايعترف بخطأه حتى لو كان بقرارة نفسه عارف
عنده ثقه في نفسه زياده عن اللزوم
هو صح وكل الناس غلط
عنييييييييييييييييييييييييييد بالمرره
اي شيء انا اقوله او اسويه يعتبره لكاعه وتخطيط لشيء يضره
اللي تسويه امه لو كان عيب وغلط بنظره صح وواجب اني اساعدها واقتنع في اللي تسويه