زوجي يحب الحريم

مساء الخيرات يا بنات عالم حواء

معليش موضوعي طويل لكن فيني ضيقة خلق ما يعلمها الا ربي
شوفوا الله يسلمكم زوجي

في يوم زواجنا بعد ماطلعنا لغرفتنا سألني منهي ذيك اللي كانت لابسه احمر ؟ ( شايفها بالغلط ) وانا كنت بريئة عروس جديدة قلت له بنت خالي فلانه

المهم سافرنا شهر العسل وانا في السفر شفت زميلتي بالجامعه بالصدفه في مطعم قمت سلمت عليها كانت لابسه حجاب شرعي بس انا عرفتها من بناتها الصغار .. يوم رجعت لزوجي على طول سالني منهي ذي ؟؟ تعرفينها ؟؟ المهم علمته قال مبين عليها طويله ! وطول الوقت يقزها

صار كل مره ننزل لبوفية الفندق نفطر يسأل وينها زميلتك ؟؟ ما نزلوا ؟؟

رجعنا للرياض ولاحظت انه اذا رحنا لبيت اهله يحب يدخل على الحريم فجأة يعني بعد ما يصير في وسط المجلس يقول ( يا ولد .. او درب ) ولاحظت سلفاتي يتضايقون منه , زمره منهم وحده قالت لي ( يا حليله زوجك عادي عنده يدخل على الحريم )

ومره طلعنا للبر مع اهلي يروح يوقف سيارته عند خيمة الحريم دون عن كل الرجال سياراتهم عند الرجال

ومره جوني زميلاتي في البيت ويوم جيت اودعهم بالحوش انتبهت له قاعد يطل عليهم من الشباك فوق ، سويت نفسي ما شفته

ويوم قبلوني في الوظيفه ماهمه انهم قبلوني كل همه يقرأ اسماء المقبولات معي ويسأل شفتي فلانه الفلاني والا ما بعد ؟ طيب فلانه الفلاني داومت والا ما دوامت

في يوم جا وقال لي ابي اسوي مشروع ,, قلت الله يقويك قال ابي اسوي مشغل نسائي .. قلت المشاغل كثر التراب شف لك مشروع غيره

قال لا ابي مشروع نسائي .. قلت وش معنى نسائي ؟ لازم نسائي ؟ قال ايه لازم نسائي .. المهم طنشته

ويوم دخلت بنتي المدرسه يقعد يسألها عن المدرسات منهي احلى وحده ؟؟ سعودية والا مو سعودية ؟؟ طويله والا قصيرة ؟

وكثيييييييييييييييييير مواقف وانا ساكته ما ابي اكبر الموضوع

القشة اللي قصمت ظهر البعير اني كنت مسويه حفلة تخرج لاختي اللي بالثانوي في بيتي .. وبعد ما بدوا يجون بعض البنات المعزومات .. يجي يبي يدخل المجلس عليهم قلت له ويييييييييييين ؟؟ فيه بنات جوا قال قولي لهم يصدون شوي ابشوف المكيف زين والا لا ... قلت له المكيف زيييييين !!! مافيه شي .. ما اتفقنا ان فيه عزيمة وانت قلت بروح لربعي ؟ يله رح لربعك !! المهم الرجال طلع وانا انشغلت بالترتيب في العزومه
بالصدفه طلعت للحوش مدري وش ابي وانصدممممممممممممممممم
لقيته طالع على كرسي ويطل على البنات من شباك المجلس

هنا انا خلاااااااااااااااااص معاد قدرت اتحمل طالعته بكل احتقار وما قلت ولا كلمه .. وما ادري كيف عدت العزومه

وما قدرت انام ذيك الليله ويوم رجع هو جبت له الاول والتالي وقلت من اخذتك وانت هذي حركاتك وش السبب ؟؟؟؟؟؟؟؟

قال مافيه سبب .. بس لقافه !

ماني مقتنعه بأجابته هذي .. ومالي خلق حتى اشوف وجهه مليت من حركاته .. كل الحريم بمجتمعنا عارفين انه بصباص وعينه زايغه .. وطبعا تعرفون كلام الحريم .. اكيد زوجته مو ماليه عينه