زوجي يحب الكنافه بس ماتزبط معي اش الحل ساعدوني

انا بقولك حبيبتي على طريقتي
والكل يمدحها رغم انها سهله ومافيها اضافات عن غيري بس بقولها لك يمكن تكون جديده عليك
اولا حطي لها زيت وافركيهاا زييين
بعدين اقسميها نصين وحطي النص الاول فالصينيه
وحطي عليه علبة قشطة قيمر علبه كامله
وبعدين حطي فوقها عاد الطبقه الثانيه من الكنافه
واضغطي عليهه بس مو بقوه عشان لا تطلعين روحهاا << قصدي لا تطلعين قشطتها خخخخخخخخخخخ
المهم يا عسل بس حطيهاا بالفرن بعدين شغلي عليها من تحت بعدين من فووق لين يصير لونها ذهبي
واذا طلعتيها حطي الشيره وخليها على جنب لين تبرد شوي لا تحطيها على طوول عالسفره
وبسس وصحه على قلبك
صدقيني بتعجبك
واذا مدحها ابو الشبااب لا تنسيني من دعواااتك << الله يستر بسس
هههههههههههههههههههه

لا اله الا الله

بقولك على طريقتي هي تطلع لينه
اخذ كنافه وافتتها باليد واحط عليها زبده (اليوم حطيت سكر غير مطحون وهو المفروض مطحون )
واقسمها نصفين النص الاول بالصينيه واحط قشطة المراعي اللي ناكلها مع التمره هي احلى
وتحطين النص الثاني من الكنافه ودخليها الفرن وولعي عليها من فوق وتحت بس اذا فرنك من النوع اللي
مايولع في نفس الوقت عادي ولعي اول من تحت بعدين من فوق
وطليها وعلى طول حطيها في حافظه وصبي عليها الشيره وغطي الحافظه وتطلع لينه واذا ماتبغينها لينه
لا تحطينها في الحافظه
انا ما حطيت مقادير لاني اسويها بدون مقادير بس بعطيك تقريبيه
نص اصبع زبده مع نص مقدار الكنافه او اقل شوي من النص اقصد الكنافه)
والسكر 2م ك مطحون انا قريتها في كتاب ان السكر يلينها
اول يوم سويتها كثرت الزبده وما ظبطت
اليوم الثاني والثلث قللتها وطلعت تمام بس سويها قبل المغرب عشان تطلع حاره احلى
الحافظه اللي عندي البيضا القديمه على قد الصينيه الصغيره عشان اطلعها من الفرن واقلبها في الحافظه
اتمنى تستفيدين من طريقتي واذا على المقادير
خذي من النت اي مقادير وطبقي عليها طريقتي

هلا وغلا حبيبتي

انا مثل الاخوات افرك الكنافه بالزيت مع شوي سمن واقسمها نصين

والحشو اغلى حليب على النار مع نشا واخليها ثقيله بحيث وانتي تقلبينها يبقى مكان الملعقه فاضي شوي واطفي النار واضيف عليها جبن عكاوي خاص الكنافه (انتبهي ما يكون مالح )..ومن حراره الخليط بتذوب الجبنه وتسير تمط مثل( الموزاريلا الحاره )


واهم شي لما تحطي الطبقه الاولى اضغطيها بقوه انا استخدم صينيه ثانيه عشان تنضغط بشكل متساوي

واضيف الخلطه وهيا حاره وبعدين الكنافه الباقيه واضغط بشويش

وادخلها الفرن ولما تحمر الاطراف اعرف انها حمرت كويس وبعدين افتح الفرن من فوق

..واول ما تخرج من الفرن اسقيها بالشيره بس تكون بحراره الغرفه

سوووووووووووووووووووووووووووري على الاطاله

فعلا السكر يلينها وتضبط اناحشوتي طريقتين يامهلبيه واضيفلها قشطه التاج طعمها روعه
اومهلبيه وافتت فوقها جبنه مالحه تطلع غريبه ولذيذه