زوجي يحب يحسس البنات انه معجب فيهن

السلام عليكم
كيف حالكم بنات اشتقتلكم من فتره طويله ما كتبت موضوع..
انا طبعا زوجي غريب الاطوار مع اني اكشخ له واسوي المستحيل عشانه لكني ما اقدر الفت نظره المهم هذا الشي صح يضيق بي لكن مب مشكله بطوف وبتحمل. المشكله ان ابدا ما يحب يطلعنا مكان ابدا لا انا تهنيت بشبابي ولا عيالي تهنو بطفولتهم. كلنا محبوسين بالبيت من بيت اهلي وبس يومين فالاسبوع ازورهم واذا كثرت ما يعجبه تعرفو ليش لانه ما يريدني اطلع مع اهلي فكل مره ازورهم يعني باختصار ابدا ما يريدني اطلع وافرح. معرف شو السبب؟!
المهم اليوم رحت موعد اقلع اسناني عند دكتوره وبجد كنت خايفه مب دلع والله كنت خايفه مدري ليش، وهذي الدكتوره جلست تضحك علي وتسبني بلانجليزي عبالها ما فهمت شي، وبعد ما خلصت البنج جلست تسولف مع زوجي قدامي ويضحكو وهي تضحك بصوت عااالي وزوجي بعد فيه طبع ان الحريم فاي مكان سواء فالمحل او وزاره او اي مكان يعطيهن نظرات اعجاب فالحريم يفرحن وما يصدقن ان هذا الرجل الي عنده زوجته وجالس يعجب فينا نحن ويجلسن يضحكن بصوت عالي.
مثل هذي الدكتوره الحقيره تسبني وانا فاهمه وبعدها جلست مع زوجي وتضحك بصوت عاالي وبقوه لان هو بعد مش مقصر عاطها وجه وانا تضايقت جدا وصارت بيننا مشاكل ف البيت والحين ما اكلمه..
شو رايكم ؟؟ مو حركتهم تضيق؟! لا تقولو هي الغلطانه ؟
هو عاطها وجه ويعطي كل الحريم وجه..
اجلس مع نفسي واقول هذا حظي الزفت استاهل..