زوجي يحشش ساعدوني

السلام عليكم بنات ..
انا متزوجه من ٥ سنين وعندي ولد زوجي من ثالث شهر من زواجي اكتشفت انه يستعمل الحشيش وطبعا يوم اكتشفت قام يبكي ويعتذر ويقول بتركه وساعديني ومن هالكلام وانا صدقته بعدها ب ٤ شهور حملت ، بعد سنه تقريباً اكتشفت انه مستمر بالحشيش وشفته بعيني في بكت الدخان قمت صورته وحفظته عندي للظروره ، وسكت ماسويت نفسي ادري عن شي ، الي يخليني دايم اندم اني اسكت هو عدم احترامه لي ! شخص ابداً مايحترمني ودايم مستحقرني وشايفني ولا شي رغم اني صابره على ضيمه عشان ولدي ، بعدين صارت مشكله بيني وبينه وقام لعن امي وابوي بكلامه انا ثرت وعصبت ورحت بيت اهلي وحكيت لابوي كل شي ووريته الصوره وابوي انصدم جداً من الصوره ومن كلامه ، وناداه ابوي وتناقشوا وتصالحنا رجع وعقل وماعاد لعن وبعد فتره جا ياخذني من بيت اهلي سكران !!! مستوعبين يعني ايش سكران لدرجة بغينا نصقع بعامود ، وهو يسوق كل شوي يطيح علي ولسانه ثقيييييل ، انا سويت نفسي ماشفت شي ورجعت نمت وطبيعي صار بالنسبه لي الوضع قلبي مات منه ! المهم قبل اسبوع دخلت الحمام انظف لقيت بكت دخان وجواته حشيش رحت صورته لاخته ووريتها وتقولي اصبري وتحملي وادعي ربي يصرفه عنه ! انا تعبت النار ماتحرق الا رجل واطيها المهم رحت واجهته بكل بساطه يقولي مين سمح لك تفتشين باغراضي قلت انت حطيته قدامي بالحمام لو جا ولدك واكله عادي عندك ! واعطيته محاضره طويله عريضه وعلى بالي اثر فيه ! تخيلوا اخذ البكت وخباه تحت رجوله وقام الحمام رجعه بنفس مكانه !!!!! انا طبعا صورته وصورت كل شي ! بس يابنات تعبت 😭 انا توني صغيره عمري ٢٧ وهو عمره ٣٦ سنه وجامعي ومتعلم واهله متربين وناس محترمه جداً ! دايم ودي اكلم ابوه بس اخاف اتسبب بشي لابوه ولا امه ف اسكت لانهم شايفينه قدوه مابيه يطيح من عينهم ! المشكله يابنات انا نفسي تعبت معاه وودي اتطلق بس خايفه ع ولدي ، وانا مابي افضحه بس هو مُصرّ ع الفضيحه ، لان سمعته من سمعة ولدي اذا كبر مابي احد يمسه بكلمه بسبب طيش ابوه ! الي محيرني مع ابوه انه كريم في بيته وكريم معاي ويحب ولده مره بس هو الي قاعد يخرب حياتنا بيده ! تعبت يابنات الله يخليكم اعتبروني اختكم وانصحوني !