عزف الخريـــف :

القرار بيدك .. تصرفاته ما تنقبل الوحده تبي واحد تعيش معاه كأنها زوجته رجال يتحمل مسؤوليتها ويقوم فيها اذا هو ما وفر لك هذا كله لا أشبعك عاطفيا ولا ماديا ولا جبتي منه عيال وفوق هذا كنه متزوجك سرقه وبأصعب ظروفك ما يكون معاك وش تبين فيه الوحده تتزوج واحد تبيه سند لها ربي راحمك ما معك عيال انفذي بجلدك تصرفاته تصرفات واحد متزوج ولايبي زوجته تدري ولا امه وابوه دارين عن زواجه وشايفينك ليش خايف يششوفونك معاه ؟ وعلى فكره اللي مثله ما يتعدل جارتي مثلك وراحت سوت اطفال انابيب على حسابها وبالاخير تطلقت منه ما فاد فيه شيء لا طيب ولا صبر لكن في شيئين مستغربتهم : ما حكيتي ابد عن صلاته ودينه ووضعه مع ربه وهو المهم ! والشيء الثاني معاك سواق وخدامه ومستغنيه عنه تماما اجل وش وضعه بحياتك ؟ ولا شيء ! خلاص وش تبين فيه وجع قلب وبس .. لكن ما يمنع .. انك تزعلين زعل قوي وتحاولين معاه للمره الأخيره .. اما رجال تتعدل وتمشي مثل الاوادم وتقوم بمسؤولياتك والا كل واحد بطريق وبصراحه سالفة الانجاب لوحدها تكفي لو المشكله منك ما صبر والوحده وش تدور بالدنيا الا الضنى والعيال اللي يشيلونها تالي عمرها .. نصيحه .. الا العيال كل شيء خليه على جنب لا راح عمرك ما راح احد ينفعك ولا راح تلاقين احد يجيب لك عيال دامك بشبابك دوري عمرك ومصلحتك

القرار بيدك .. تصرفاته ما تنقبل الوحده تبي واحد تعيش معاه كأنها زوجته رجال يتحمل مسؤوليتها...