استخيري الله والله يكتب لك الخير
بالرغم احيانا يفضل المواجهه لكن يعتمد على حسب شخصية الزوج
او خليه يفتحه قدامك لكن اللي يصير بعدين يعتمد على اللي في الجوال

يوووه صارتلي و واجهتته و كسره قدامي ولا امداني اعرف ايش فيه


وترا حتى لو حطيتي فيه شريحه جديده ماراح يفتح لان فيه رقم سري للجاهز نفسه مو للشريحه وعشان يفتح لازم تسوين فورمات و ينمسح كل شي


الحل ياتواجهينه ياتاخذي الجوال وتكسرينه بنفسك و تحرقين الشريحه بعد وانتهينا هو اكيد مطلعه للمغازل عادي تحصل في اغلب البيوت هههههه بالذات اذا توك متزوجه

والله انا الي كسرتها من جوالات حدود ال8 جوالات :( ولا فااد بشي بالعكس صار حذر جدا اني ماامسك عليه شي واصبح يتفنن بالكذب
الواحد اذا قلبه خلا من ذكر الله توقعي منه كل شي
ذكريه بالله كثيير ذكريه ان له بنات يخاف عليهم ان كان عندك بنات ولا عنده خوات حاوريه يمكن يتقبل منك ويستحي على نفسه
انا بالنسبه لي سبحان الله قاسي قلبه تقولين فيه شي مايحس انصح ولا ماانصح ماافي فايده بالعكس كل مانصحته يضحك ويستهزء غريب امره ويقول مايهمني بناتي ان ضاعو عليك الملامه والله وصلت لمرحلة الانهيار وصرت اكسر كل شي القاه اجهزة جوال كنبيوتر اي شي مايعجبني امسكه واصكه بالجدار وقدامه وهو سااااكت مايفتح فمه بكلمه الله يعيننا اختي على مابتلانا

كمبيوتر :) خطاء املائي

احب انبهكم لشي
الجوالات الجديده مثل الايفون تنزل فيها برامج تفضح اللي يتعبث بالجوال او يسرقه
مثلاً اخذتي جوال زوجك من وراه وحاولتي تفتحينه وكتبتي رمز خطاء يصورك الجوال بالكاميرا الاماميه ويرسلها على ايميل زوجك مباشره
يقدر يدخل الايميل اي وقت ويشوف صورتك ببساطه
وانا اعتقد تكسير الشريحه او الجوال مو حل ابداً لانه يقدر يجيب غيره لو ابو كشاف
احنا بزمان صعب ماعاد في رجال صادقين الواحد فيهم يتزوج ويجيب عيال وقلبه متعلق بالبنات وخرابيط تويتر والانستغرام والسناب ويعيش الطيش والحياه كأنه اعزب واخر همه زوجته او بيته ينهدم