زوجي يختلق المشاكل من ولا شي؟؟

السلام عليكم و رحمة الله و بركاته..
أنا صار لي 6 سنوات متزوجة و لله الحمد و المنة الى الان ربي ماكتب لي حمل بسبب ان زوجي عنده قلة بالعدد و الحركة.. زوجي طول الله بعمركم يوم يتزوجني كان مطلق .. في البداية كان فرحان فيني من دون ما أشرح بالتفاصيل كان رومانسي.. بعد فترة بسيطة من الزواج بدا يسهر خارج البيت مع اصحابه و لا يرد علي واتس و لا اتصال.. حصلت كم مرة صارحته ان هاذا الشي يضايقني لكن هو مو شايف ان اللي يسويه غلط.. الان وضعي مع زوجي غريب شوي.. من 7 شهور قال لي انه راح يدور له شغل بالدمام بحكم ان الفرص الوظيفية في منطقتنا جدا ضعيفة حصلت لي انا وظيفة بالدمام و كنت برفضها الا هو أصر اخذيها انا بجي هناك أصلا.. فقبلتها على اساس المشاكل المادية الصعبة اللي احنا جالسين نمر فيها.. و لا جا للدمام الى اليوم.. زوجي صار يقفل جواله و انا بعيدة عنه.. يزعل اذا طلبت منه فراش.. نادر مايتودد لي و يبادر بالوصل.. حتى اذا بادرت بالكلام الحلو مايتقبل مرة.. اخرها امس نزلت له اهداء بالسناب شفت انه فتحه و سألته بدلع ماشفت اللي كتبته لك؟ و رد بنرفزة ليه انتي تسوين كذا تدورين ردة فعل و خلاص قفلي السالفة و قفل الجوال بوجهي كالعادة و طنشني و رسل لي اتركيني اروق و يوم جت 12 بالليل كلمني يقول خلاص انا نسيت السالفة...؟ اي سالفة انا والله يا بنات مازعلته بشي هو من نفسه صار يختلق المشاكل معاي على ولا شي؟ تكفون احس اني بديت اخسر زوجي و مو قادرة افهم ليه؟؟ ..