زوجي يخنقني لحقوا علي

يابنات انا عندي مشكله مجننتني ومبهذله عيشتي

ويمكن محد يشوفها مشكله لانها تهون عند بعض المصايب
المهم اقولكم انا كتبت اختصار بسيط جدا لمشكلتي في موضوع لماما رويده بطريقة رد لوضوعها

واحب افصلكم مشكلتي لاني ان شاء الله بلقى العون منكم

قبل اربع سنوات كنت انا زهرة ابوي زي مايسميني يدللني ومايخلي علي ناقص ومايرفض لي طلب حتى اذا تمشكلت انا واي واحد من اخواني كان دائما بصفي حتى لو كنت انا الغلطانه وامي كانت مهتمه جدا بي لدرجه اني لما وصلت الثانويه كانت تفتح شنطتي وانا نايمه وتفتح جدولي وتتاكد اني مرتبه شنطه المدرسه ومحضره الكتب واذا ناقص دفتر او كتاب انا نسيته كانت تحطه لي واذا ناقصني اقلام او اي شي تحطه لي وتحافظ علي بكل عنايه وحنان يعني عشت في بيئة تقدرون تقولون اني انا اللي كنت مسيطرة عليها بدلال اهلي وحبه الزائد فيني وانا والله العظيم احبهم حب لو وزع على قلوب البشر لملاها طمانينه وامان ومستحيل اوفيهم قليل من حقهم علي لدرجه اني اكتب عنهم في مجله اسمها المجله العربيه ماينشرون الا اللغة الفصحى ومن كثر ماابدعت في الكتابه عنهم نشروها لي وتوقيعي راح يبين حبي لابوي لان فيها مقطع مما كتبته عنه:27:

المهم اني بعد فتره تقدملي ولد عمتي وهو بشهادة الجميع انسان محترم وملتزم وابوي يحبه كثير ووافقت من غير تردد لان جميع مواصفاته ممتازه يعني عريس لقطه:23:

اول سنة عشتها معاه كانت صعبه جدا لانه جاد مررررررره
مايعرف المزح كثير بعكسي انا جدا مرحة
واثر هذا على نفسيتي يعني صرت كتومه ومااتكلم كثير والكل انتقدني بس والله انا ماانلام لاني لازم اتطبع بطبعه غصبا عني
والله رزقني بولدي حبيبي في نفس السنه يعني حملت بسرعه واللحين ولدي عمره سنتين داخل السنه الثالثه
ومشكلتي اللي معذبتني ان زوجي يخاف علي بزيادة يعني مستحيل اطلع من البيت الا لاقارب او اهلي وغيرها يبغالي الف اجابه واجابه والف سؤاؤ وسؤال حتى اقدر اروح عند صديقتي يعني احس ان ثقته فيني معدوووووووووووووووووووووووووومه

وانا اللحين من تزوجته وانا بين اربع جدران والله مليت حتى نفسيتي ساءت جدا جدا
وقربت اصاب بالجنون :o

تخيلوا هو يداوم من الساعة ثمان الصبح مايرجع الا الساعة اربع العصر بعدين يطلع يسوي رياضة الى الساعة ست المغرب بعدين يجي يرتاح ويجلس عند النت وبعد الساعة سبع احيانا يروح دوره هو يدرسها حاليا واحيانا يرجع يكمل عند النت حتى وقت النوم وينام ثم يداوم وهكذا حياته مايحس فيها ومايشعر باالملل ونادر مايلقى وقت يقعد معاي
واذا قلت له انا زهقانه وابغى ادرس او اشتغل يقولي سكري الموضوع واللحين انا اترجاه اني ادخل دورة لغة انجليزية او دورة رسم منها اضيع وقتي ومنها استفيد لكنه يرفض جدا واذا سالته يعطيني اجوية تااااااااااااافهة يقول اخاف عليك من البنات والله شي يجنن يغار علي حتى من البنات انفسهم حتى النت مانعني من الاشتراك بأي منتدى وماشاركت معكم الا باالموت حتى مواضيعي قليلة ومشاركتي معكم قليله مع اني مشاركه معكم من فترة طويله

والله زهقت متحكم فيني ومسيطر علي بطريقة غريبة حتى بالاشياء اللي تهمني من صبغ وقص يعني مستحيل يخليني اقص شعري او اصبغه على الاقل اصبغه لاني ماأيد قص الشعر كثير والله يابنات كثييييييييييير ينصحوني يالصبغ ويشوقوني ان اللون الاشقر بيطلع علي حلو لاني بيضاء وامنية حياتي اني اصبغ شعري بس هو يزعل مرررررررررره لو اسويها
يعني احس ان جميع حركاتي مراقبه ومرصوده:34:
وهو يراقبني مو شك فيني لاااااا
خوووووووووووووف زايد علي يعني من ادق الاشياء يخاف علي والله مرة قالي لو بأيدي كان سويتلك قفص من ذهب واحطك فيه مايشوفك الا انا قلتله وارمي علي فستق وموز كأني قرد وتكمل فرحتك وقتها ضحك بس كان يتكلم جد:42:
انا دارية انه مهتم فيني وانا سعيدة بأهتمامه بس في نفس الوقت مضيق علي لدرجه قربت اختنق وأخاف اكرهه في يوم
والله العظيم يابنات اني مرة كنت رايحة زواج ورفض اني مااروح الا اذا حلفت اني مراح ارقص في الزواج وحلفت وانا مضطرة ورحت مقهورة وحزينه احسه مسخها معي مرة واذا رحت لاي زواج وجيت يسالني عن كل صغيرة وكبيرة واذا احد سلم علي ومااعرفه يقول ليه والله يابنات مرة شافتني خطابة وبغت تخطبني لواحد بحريني ةتخيرني بينه وبين واحد قصيمي وواحد من الشرقية ووريتها ولدي وقلتلها ياخالة هذا ولدي ويوم قلتلها اني متزوجه انحرجت مره وقالت لاتعلمين زوجك حتى مايدعي علي:11: ووصل الخبر لزوجي وزعل علي يومين

بنات الله يخليكم تكفون قولوا لي اش اسوي حتى اقدر اتحرر من قيوده

وانا حاليا مصرة اني ادرس او ادخل دورة ارشدوني للصواب وكيف اتعامل معه حتى اقدر احقق امنيتي

تكفون لاتطنشوني وتشوفون حل لهاالبهذله وهاالعيشه

وللمعلوميه هو طيب جدا ويحبني كثير:32: ومستحيل يشوف غيري ومايرفض اي طلب اذا كان من دون الطلعة من البيت يعني اي شي اتمناة من لبس او حتى كماليات مايقصر علي الا الصبغه بس هذي مشكلتي معه واتمنى انها تنحل حتى اقدر ابادله نفس المشاعر من دون ضيق مني او ضجر
وانا ااااااااااااااااااااااااااسفة جدا على الاطاله

تحياتي للغاليات اللي مروا على موضوعي

امممممممممممممممموووووووووواه