زوجي يخونني

وضحي قصتك يا أختي
من هي المطلقه ؟
كيف عرفتي ذلك؟

استعيني بالله وتوكلي عليه

حاولي اخت الكريمه الصبر من اجـــــــــل ابنائك واهم شي دعاء الله له بهدايه

نســـــــــأل الله لكي التوفيق والصبر

ياحيااااااتي..

طيب..قلتي له اللي في خاطرك..

ناقشتية..بينتي ضيقك..

الله يكون بعونك ويفرجها عليك ياااارب..ويثبت قلبك.

حسبنا الله ونعم الوكيل

والله إن قلبي يعورني حيل لما أقرا واسمع عن حال المسلين اليوم وخيانة الأزواج

إختي الكريمة كان الله في عونج

مشكلتج أكبر من إني أقدر أواسيج فيها بكلمات لكن هذا اللي أقدر عليه عيوني

الخيانة خيانة عيوني .. بس بعد خيانة عن خيانة تفرق .. يعني اللي يكلم بنات مع فظاعة هذا العمل أهون من اللي يطلع معاهن واللي يطلع معاهن أهون من اللي يسوي الحرام وإن كان جميعهم بلا شك غلطانين ويسوون المعصية واللي يزني له عند ربنا أشد العذاب ووضعه سيئ ولا يسكت عليه لأن أبسط شيئ ممكن ينقل الأمراض لزوجته وابستبعد هذا الاحتمال في موضوعج لأن يبيله حل تلقينه عند المشايخ وعلماء الدين وقد يحتاج للعلاج النفسي

حبييتي .. شو تقدرين إنج تسوين .. في حل بسيط ممكن ياخذ وقت . ويبيله صبر وطولة بال .. اللي تعود على شيئ خاصة إذا قلبه ميت ويا كثر أموات القلوب يبيله وقت .. إنتي بين تحافظين على بيتج عشان عيالج .. لكن حياة مثل هذه بتعبج .. شتسوين عيل؟

إدعيله الله يهديه وكثري من الدعاء .. أتعجب من اللي يستهين بالدعاء وهو مخ العبادة وسلاح المؤمن .. إدعيله في الثلث الأخير مع صلاة قيام الليل .. تحملي وحاولي تدلعينه وتسمعينه الكلام الحلو .. القي مواضيع حلوة يحبها وسولفي معاه فيها وابتسمي في ويها دوووم .. أدري إن هذا الشيئ وايد صعب .. لكن اللي يحط هدف لازم يصبر ويعمل ويستحمل لين ما يوصله

هذا اللي ممكن تسوينه لزوجج .. لأن علاجه في الهداية .. عسى ربنا يهديه

وشيئ ثاني إختي كيف علاقتج مع الله سبحانه وتعلى .. راجعي نفسج عيوني .. لأن اللي يصلح علاقته مع الله الله يصلح علاقاته مع الناس .. قوي علاقتج بالله أكثر وأكثر .. وإذا ما تغير زوجج بعد محاولاتج قولي هذا ابتلاء من ربي يختبر إيماني وصبري .. المهم في كل الأحوال انتي اللي بتكونين الكسبانة .. كسبتي دينج ونفسج وقربج من الله وهني السعادة الحقيقية .. كل سعادة في الدنيا زائفة إلاّ سعادة نشأت في حب الله وقربه وحب من يحبه

حبيبتي .. إنتي مب غلطانة .. وريلج ما خانج لنقص فيج ولكن للأسف هذا حال الكثير من الرجال هذي الأيام .. عيونهم فارغة ونفوسهم مريضة وقلوبهم ميتة .. وكل هذا لأنا للأسف بعدنا عن الدين الإسلامي .. نصلي ونصوم ونزكي ونعتمر ونحج لكن كيف صلاتنا .. الصلاة صارت حركات رياضية من دون خشوع .. وصلاة مثل هذي مستحيل تردع الفواحش والحرام

كان الله في عونج وفي عون كل مرأة أبتليت بمثل هذا الأمر

الله يصبرج عيوني .. وإذا يأستي من زوجج دوري على السعادة في القرب من الله وعيون أطفالج والله يصبرج