انا مع عروب

وانتي الله يهديك على طول وضحتي انك عارفه وفاهمه
المفروض منك تمررينها له وتسوين انك ماتدرين ومرده يرجع لك

لاتكبيرنهاا
وارجعي لاتكابرين ولاشي
ماخرب بيتوت الحريم غير هالمكابره

لو طوليتها هو بيقدر يجيب حرمه بدالك ترى ولاهو مفكر وانتي الخسرانه

والله يسخره لك

فكري كووووووووويس واحسبيها من كل النواحي مو بس تفكرين بجرحه لك وخيانته

الطلاق مو شي سهل

لاتستعجليييييييييين

قدامك ولد او بنت حرام تخلينهم يعيشون حياة مو طبيعيه

واصبر

يمكن يجي لك ويندم

عزيزتي

أنا بقول لك رأيي من منظوري لمشكلتك


واضح أن زوجك كان له علاقه من البنت ذي من قبل زواجكم
اللي سويتيه غلط بأنك خرجتي من البيت واضح أن زوجك ما يكرهك ولا شي لكنه معلق مع ذيك من فتره طويله
وأحياناً يكون صعب على الواحد أنه يخرب علاقه أحياناً تكون دامت سنوات

تدرين ليش هو يكلمها ؟؟

لأنها تعرفه مضبوط ويعرفها ويرتاح لما يتكلم معاها بعض الأحيان فيه ناس تتآلف مع ناس ثانيه
وتحس أنها تفهمها وتقدرها وتآخذ على كلامها وكذا يعني ..

عزيزتي أنا عارفه ان الموضوع صعب عليك جداً وخصووصاً أنه ببطنك ولده
يعني أنا اقولك لا ترجعين للبيت طوالي لكن أستخدمي جوالك ودقي عليه وكلميه وحاولي أنك ما تتهمينه بشي
ولا تعصبين لأن الشغله يبغالها طولة بال وهداوة حاولي لا تتكلمين بالمشكله كثير
تطمني عن أحواله وبس تكملي معاه بمحور المشكله الأساسيه عن طريق الأسئله المباشره

مثل :

تتوقع يحق لي أزعل من اللي أنت سويته ولا لأ؟؟

لو أنا أكتشفت مني أي من تصرفاتك ذي وش بيكون ردة فعلك مثلاً ؟


بيني له أنك مستعدة تسمعين قصته معها من طقطق لسلام عليكم وأنه كل شي بيكون تمام إذا صارحك بكل شي
لأن كل شي بيكون واضح بينكم أهم نقطه لا تعصبين ولا تتنرفزين
وإذا حسيتي إنك ممكن تعصبين إستأذني وقفلي السماعه وأتصلي بعدين

لا تجيبين سيرة الإنفصال ولا تخلين أحد يتدخل بمشكلتك

أسمعي منه كل شي يبي يقوله وخليه يسمع منك كل اللي تبين تقولينه له بدون قذف الإتهامات والصراخ وغيره

قوليله إنك ما تبين الإنفصال أبداً وأنك مستعدة تصلحين العلاقه ولازم هو يكون مستعد ليشتغل على العلاقه
اللي بينكم ويصلحها بالتفاهم ثم التفاهم ثم التفاهم

بيني له أنك مارحتي بيت أهلك علشان انك بس زعلانه عليه
لكن لأنك أحتجتي لوقت بعيد عنه علشان تقدرين تحددين مشاعرك تجاهه وتجاه علاقتكم بالضبط

إذا كلمتيه ولقيتي منه تجاوب ونقاش وحوار هادي خلاال كم يوم قوليله خلينا نطلع مطعم مثلاً نتفاهم بصوره أحسن

و أنتبهي من العصبيه ولا تحاولين تلفتين نظره مثلاً بكثرة الميك أب ولا تروحين عادي كأنك بالبيت

خليك بسيطه لأانك لو حطيتي ميك أب وتضبطتي مره رح يقول بنفسه تبغا ترجع بأي طريقه
وإذا ما حطيتي شي رح يقول أنا مأثر فيها مره وكلام الرجال اللي ماله داعي ...

إذا حاولتي تتفاهمين معاه أرجعي أكتبي لنا علشان لو فيه ردود فعل مغايره نقدر نحددها ونصنفها ونعالجها ..

وفقك الله عزيزتي ..

شوفي حبيبتي انا مجربه هالشي ولامن اول شهر مومن زيك ولاتعتقدين انها راح تكون اخرمره يخونك فيها وبعدلاتعتفدين انك راح تمنعينه عن هالشي ولاشي راح يرده وراح يطلع بدال الجوال اثنين ليش لان هاذا شي نفسي واذا هومااقتنع من نفسه ان هالشي غلط صدقيني مافي شي بيرده ولاتظنين انك بس زوجك اللي يخزن ورب العباد ان كل اللي اعرفهم مرو زي مشكلتك انتي ليش تصيرين ضعيفه وتخلين بنت ابليس تنتصرعليك وتاخذ زوجك وبيتك لاحبيبتي اللي مايجي بالقوه يجي بالحيله غلطك انك واجهتيه المفروض انك تحطمين اعصابه وتتتكلمين عنده عن العلاقات المحرمه وكيف ان فلانه تطلقت بسبت ان زوجها يغازل والثاني بعدعاقبه ربه بنته مسكوها الهيئه مع واحدوسبحان الله لانه بعدهوكان يمتهن حرمات الناس فعاقبه ربه طبعاالفي اسامي من عندك وقوليله من زنى يزنى به ولوبعدحين ولوبحيطان داره وقولي انك خايفه عليه من لايعاقبه ربي في بناته ولاخواته والمفروض الاشياء هاذي ماتقولينها عنداهلك لانك بكره بتنسين واهلك والناس ماراح ينسون وترى الخيانه موب سببها الزوجه سببهاضعف الرادع الديني عند الرجال وبالعكس انا الاحظ الحلوه والسنعه هي دايم اللي زوجها يخونها ومدامك خلاص رحتي لاهلك خليك صاحبة موقف ولاترجعين الابرضاوه على الاقل يرد كرامتك عنداهلك اماالطلاق انسيه انتي الان مولحالك انتي مسؤله عن مستقبل وحياة طفل لاتشردينه بسبت نزوة شيطان وادعيلي بالذريه الصالحه

كلنا نواجه مشاكل في اول سنة زواج ولو كل وحده طلعت من بيتها وطلبت الطلاق كان شفتي البيوت مليانه مطلقات

ياوخيتي استهدي بالله وحكمي عقلك واكسبي زوجك ومافي حل الا المصارحه كلميه وناقشيه وابعدي عن الانفعال والتهور بالكلام

واسأل الله العلي الكريم ان يصلح حالكما ويسخركما لبعض ويرزقكما السعادة ..