زوجي يخونني مع نفسي

انا مو عارفه من وين ابتدي
ادري اني تصرفي غلط ولكن 
اي متزوجه راح تحس فيني 
توقعت ان الحياة الزوجيه مدري كيف




وجات العكس
صديقتي تقولي انتي متاثره بالمسلسلات لما
اشكيلها عن اشياء ابغاه يسويها لي
انا توقعت كمان اني ابغى رومانسيه وهو
مو رومانسي




كان فيه شي نااااقص




احساس انه مايحبني 
من اول ليله الواحده تعرف اذا زوجها يحبها
او دخلت قلبه
او يعشقهاا
اول ليله رجعنا اكيد متحمس
لكن من صباحية ذاك اليوم ماكنت
همه 
ولا عاملني كاني ملكه
زي مايسوي العاشق اقل شي بشهر العسل
ولا كان همه يمشيني او يفسحني
ومن ثاني يوم اخذ اهله مشوار معنا
وتحملت بس قعدت الم كبيير في قلبي
مرت الايام وتحملت معه لانو كان بوضيفه 
مؤقته
لارحت سوق ولا ثقلت عليه
بالعكس كنت اسلفه الين خلصت فلوسي
وجبت ولد لاني حملت على طول
وبالاربعين حسيته اهملني مره انقهرت
وكان ودي بعد الاربعين اقضي يومين بفندق
او منتجع
وكان عذره مامعه
ورضيت
وكان يحلف اول ماربي يرزقه بوضيفه كويسه
لا يعوضني
وخلال كل الوقت مشاكل واحسه مايحبني
احسااس رغم انه يقولي احبك
ويحاول يرضيني اذا زعلت
لكن والله العظيم تصرفات بسيطه تثبت لي 
انه مايحبني
مثل مره كنا مرا محتاجين ماعندنا شي
ورحت جلست عند اهلي كم اسبوع 
لانو الراتب تاخر
وجاته مكافئه 
بدون تخطيط
عارفين اش سوى فيها
وبعدين عرفت انا
راح لاهله واخذهم مشاهم بها وخلصها
وماعلمني
تخيلو شعوري صابره معه وبدل مايفكر
فيني انا يسعدني 
خبى عني اصلا وخلاني عند اهلي 
اهله اكبر مشاكلنا
ويفضلهم علي كثييييير
وانا احس مابيتكلم معي 
احاول احيان 
لكن مسكر اذونه من جهتي
اغازله على الواتس وارسل
كلام ححلو
 ومايرد بحماس 
واحيان مايرد نهائي
جاته الوضيفه وجاته فلوس كثيره وماتذكرني فيها
ماتذكر رغباتي 
وراحت ديون
وهكذا كل ماجات فلوس او راتب
امه وابوه واخواته واخوه المتوضف كل واحد منهم 
ياخذ محتاجين او مو محتاجين
غصب
وبكذا راحت الفلوس 
اخواته خمسه وكل واحده 
لها مبلغ
ولما جا الراتبين الاخيره
كل واحده هات خمسميه
رغم ان والدهم اعطاهم في الف
واحنا علينا ديون
لكن تنقلب الدنيا لو ما اخذو
عموما
مو هذا اللي يوجع صح
اللي يوجع 
اني مازلت احسه مايحبني 
فقط وقت العلاقه يعطيني انتباهه
ممكن كثرة المشاكل بالاونه الاخيره
السبب كذا قلت
بس انا هالاحساس جانني من يوم تزوجته
والله اني ماعرفت البكا اللي صح الا من يوم اخذته من الايام الاولى للان
وانا بعد كل مشكله انهااار بكاا
والحال يزيد يجيني الم فضيع
بحلقي زي الغصه 
سرت اخاف على نفسي والله لايجيني 
سرطان او شي
لكنن الاحساس ذابحني
التجاهل 
وكاني حيط 
وحتى خيانه فتره من الفترات حسيت انه خانني 
من جواله اللي جلس فتره مايفكه حتى وهو نايم
ووطنشت
ولكن
مازلت احس مايحبني
وهو يلعب بعقلي يقول احبك
طيب اللي يحب مايسوي كذا
يعني يعاملني بجفااء
ومابيهرج ولا يلتفت لي 
ويقول احبك اكثر منك
طب انا امووت فيه
واعرف اللي يحب كيف يسوي
يعني  احسه يلعب بعقلي
الين مليييت 
حملت البيي وسرقت بنه 
واضفته وجلست ارسل
رسايل وخواطر
بعد يومين تفاعل معي
قمت حذفته 
واستعذت بالله من الشيطان
 وحاولت اتغير معه 
البس واتشيك وارسل رسااايل غراام
ع الواتس
ولكنه تجاهل
ويوم اعترفلي بعد اصراري
انه فعلا ماعاد يحبني بعد 
ماجبت ولدي
يقول المشاكل خفضت نسبت الحب
ومع الفضفضه 
اعترف انه اول ماخطبني كان في نسبه ححب
عاليه واول ماشافني وتعرف علي
وكلمته 
شخصيتي ماجذبته 
ولاعاد ارتفع الحب بس موجود على كلامه
بس انا تأكدت اني مو مجنونه 
وانه فعلا ماكان يحبني  
حتى وقت الخطوبه لاهدايا ولامكالمات طويله
ولا مصروف وكنت احس برضه انه
يمل لما يكلمني 
بعد هالمشكله
رجعت حملت الببي واضفته
بنفس الاسم 
وبدا يهرج معي انتي مين
ومن هالكلام 
يومين 
حسيته شاك فيني 
مو مره متاكد انها مو انا
المهم برضه حسيت بغلطي وحذفته
وجلست يومين ايدي تاكلني
بعرف اش يقول 
لان حتى المره الثانيه كان رسمي
قمت حملته
وهالمره تكلمت 
وقلت انا معجبه فيك وكذا
وهو انجن من الحماس 
ولكن كنت احاول اجذبه انا زوجته
اول مايجي من العمل البس القصير
ومكياج ناعم وشعر مرتب وعطر يفووح
وجو يجنن موفرته
عشان نبعد عن المشاكل ومن جهتي
انه يبعد عن هالبنت لكنه من اول ممايخرج من عندي يراسلني مهما ريحته
وامس كتبلي وهو جاي من العمل بقاابلك
قلت اوكي الساعه خمسه
ويوم جاني الساعه ثلاثه كنت على سنقة عشره
بالعكس حاولت اجذبه اكثر 
والله تغدى ولبس ومشى ممكن في نصف ساعه من الحماس وماطالع ناحيتي
بس قال انتي حلوه ليه تحطي مكياج 
المهم ان الحماس كنت اشوفه بعيونه
وخرج وبعد. نصف ساعه ارسلي 
قربت اوصل طبعا ارسل لحبيبته 
وبعد مادوخته بالمحل وصله فقلت بطلت ماراح
انزل واقابلك
في نفس الوقت ادق عليه مطنش مايرد
المهم 
نفس حماسه ماخاب 
رغم اني ماقابلته يقول بقابلك بكره




وانا يابناات مليت من المشاكل 




مليت من هالحب.
لانسان مايحبني نهااائي 
والله احسه مايحبني وهالشي مرا يجرحني 




ودي اتغير 
واحاول بس ارجع لحالتي
ابغى انشغل بنفسي
واسوي جدول
لكن امشي يومين واخربها بزعله
انا ابغى اببببعد عنه 
انشغل بامور تهمني
لكن ارجع ما اعرف استمر
والله اني ادعى ربي واحاااول
لكن اذا تجاهلني
امووت فاعصب لا اراديا
ل
يابنات تكفون ساعدوني 
والله والله والله 
ياكل واحده تساعدني لا ادعى 
ان ربي يحقق لها كل ماتتمنى 
بحياتها 
انا مشكلتي اني ما اعرف استمر
على التغيير
والله امنيتي اتغير واتجاهله 
وارد له الصاع صاعين
لانه بالنسبه لي
حرمني اعيش احلى ايام عمري
واني اجرب اكون عروسه وبشهر عسل
ودلال ولهفه وشوق
ماتتخيلون قديش اتمنى اجرب هالشعور
شعور اني مرغوبه
ومنه هوه بالذات 
 
ساعدوني لاستمر وخذو فيني اجر