ما اقول الا الله يعينك ويفرج همك
عيكي بالدعاء والله له مفعول عجيييييييييب ووكلي امرك للخالق

وعليكي بالصبر ان الله مع الصابرين ستكونين مع الله ايحب احد ان لا يكون معه ؟؟؟؟
حماك الله اختاه

مشكورات خواتي والله ما توقعت كل هذه المشاركات افكارها حلوة وهذا اللي صار معي
لما صحا من النوم وهو متعود انه يمسح المكالمات المريبة والمسجات اول بأول انفزع وركض الغرفة وشاف المكالمة وما عرف اقصد ما كان متأكد اذا انا عرفت ولا لا ولبس وطلع من البيت
قمت صليت الاستخارة اذا كنت اواجهه بالموضوع ولا لا ودعيت دعاء الحاجة انه الله يرده لي وان كان مسحور منها يفك سحره
رجع وقت الغدا ما قدرت اتغدى وجلست معاهم على الطاولة أأكل ولدي الصغير وأنا سرحانه في الموضوع وبدون ما أحس قلت لولدي كلمة (كل) وطلعت مني وكل الغصة فيها حتى اني استحيت ولاحظها علي وحسيته شفق علي
رحت انام بالغرفة وجا هو ينام والعصر قال للعيال تعالوا نطلع اشتري لكم العاب وفي نفسي كنت ما اريد اروح معاهم وجا عندي وقال لي تعالي معانا قلت له انا مشغولة عندي مشاوير ثانية قال لي انا اوصلك لمشاويرك وبعدين بنروح نشتري الالعاب. ووافقت
لما رجعنا بالليل حسيته وايد ندمان وشفقان علي وحضني بحب ما حسيته من زمان وكأنه فاق من اللي فيه ما اعرف المهم اني ما واجهته بس حالتي يمكن خلته يشفق علي
المهم من لحظتها وهو يعاملني معاملة زينة وحتى بالفراش بعد ما كان يعطيني ظهره صار ما يخليني ابعد عنه
أنا ما اعرف اذا انهى علاقته ولا لا بس اتمنى انه مع الايام يتركها

ايش رايكم
ملاحظة: على فكرة زوجي من يوم ما حج وتدين علاقاته عبارة عن البحث عن زوجه ثانية يحبها يعني العلاقة المحرمة مستبعدة وخصوصا انه يصلي واحيانه يقوم الليل هذا مو معناه انه ما يحبني لكنه يتحرج يطلع معاي بالنقاب ويتمنى يسافر معاي بس بدون نقاب وأنا ارفض يعني يتمنى حياة رومانسية خارج البيت مع زوجة وأنا مستعدة بس بدون ما اتخلى عن النقاب وعباة الراس
اعرف ان العلاقة التلفونية محرمة لكنها ما تنقل امراض

الله يكون في عونك

عزيزتي كلماتك ضيقت صدري لاني عشت ضرفا كهدا كل ما فعلته ...بعد ان دست على كرامتي..بعد ان خلعت كبريائي اني سمعت عنه كلاما شائعا....فانكر بطبيعة الحال..بعد ان اصفر لونه..كان هدفي واضحا وهو مادا ساجني ادا قلت الحقيقة كلها..رغبت فقط ان احسسه ان العللم صغير وان اي شيء ممكن ان يصلني...وبعدها تصرفت كان شيئا لم يكن....وابتداءا من دلك الوقت اصبحت ابالغ في الاهتمام بنفسي..قد يكون قد لاحض التغيير وربطه بما وقع...لااعلم ان كنت قد تصرفت بحكمة لكن هدفي اطفالي..فهم يعشقون والدهم..واستعنت بالله ومرت العاصفة.الان لااحب ان اتجسس .الم ينهانا الله عنه رافة بنا فلنراف بانفسنا نعش مطمئنين.

اختي العزيزة اسأل الله ان يفرج همك ويسخر لك زوجك ويرده لطريق الحق
حبيت اذكرك بالدعاء له بظهر الغيب وانتي ذكريه بالله قولي له لاتجعل الله اهون الناظرين اليك
احرصي على قيام الليل وادعي ان الله يهديه لك ولعياله وخاصة وقت الولادة الله ييسر لك
لا تتواجهين معاه بخصوص انك عرفتي بعلاقاته لانك كذا بتسهلين عليه وهو بيتمادى
لا تتركين بيتك لان عيالك محد بيشيلهم وبيهتم فيهم مثل ابوهم والاهل مهما كان بيملون
حاولي تهيئين له جو هادي في البيت وانتي لا تهملين نفسك واتصلحي له واتعدلي واهتمي بصحتك ونفسيتك علشان عيالك الله ييسر وان شاء الله تبشرينا بهدايته لكم