زوجي يخون واصير انا الغلطانه

زوجي يـخونــي ويقول انا الغلطانه
السلام عليكم

بدخل بمشكلتي علئ طول انا زوجي بكل ثقه خــايــن

ودائمآ اكشفه ويعتذر واتعود اني اسامح

واسامحه لاني احبه وهو طيب وحنوون معي ويحبني ومو مقصر معي ابدآ 

بس عيبه الوحيد الخيانه المهم من يومين لقيت رقم عنده يتصل عليه كثير ورساله مستحيل تكون من شاب

وهو قبل كذا وعدني انه بيترك بنات الحرام وانها هي اللي تتصل عليه ومن هالكلام الفاضي 


وانا اضحك علئ نفسي واصدق عشان بناتي. 

المهم واجهته وكانت درت فعله ليه تفتشين بجوالي . وانا والله بالصدفه شفتها وحلفت له انو مو بقصدي بس ربي كاتب اني اكشفه وينفضح عندي

بس قلب الموضوع علي وهو اللي زعل وطلع من البيت 

رحت ارسلت له هالرساله وماصارت اي ردة فعل اتجاها ومارجع للبيت 
~
أريد افتح كل صفحاتـي وأحـكي لك مـن الوجـدان 
وأنا أترجـاك تسمعـنـي وتعـرف كـل مافينـي 

أنا ليـلٍ طـواه الهـمّ وفجـره للأسـف مابـان
ظلامه زايدٍ عتـمـه .. ولابـه نـور يضوينـي 

أنا بحـرٍ عميق القـاع وموجـه يشبـه الطوفـان
ولابه زورق يرسـي علـى سطـحـه يسلينـي 

أنا عمري ولحـظـاته .. ألـم مع هـمّ مع أحـزان
كتمت الجـرح في صدري وناره حـيـل تكوينـي 

عطيتك كـل ما أملـك ومايغـلـى لعـينـك هـان
أبيك تكون .. لي وحـدي .. حـبيب وماتخـلينـي 

بنيت بداخلي < قـصـرٍ > أبيـك تكمـل البنيـان
لقـيتك هادم < قـصري > وساسـه بـدّل بطـينـي

يهـلّ الدمع من عيني إذا شفـتـك علـي زعـلان
وأدوّر كل مايرضـي ... ضميـرك يامعـنينـي 

تحـمّلت الطعـون وقـلت يمكن باكـر يصيـر إنسـان
وبدل ماتشفـي طعـونـي .. بسكينـك تعـادينـي 

نهاية حـبنـا بانـت . . أروح لعـالـم النسيـان
حـلفت أنساك ياخـلي .. وأنا مابيـك تطـرينـي 

أنا عندي كرامه وإنت صعـب تهيـن إنسـان
يصون العـهد في حـبك .. خـساره طحـت من عيني !

أنا ماخـون ياخـاين وحـبي ماعـرف نقـصـان
بتـمّم كلمتـي وأنهـي غرامـك مـن شراييني.....

كيف الرساله ? وغلطانه اني ارسلتها؟؟
شورو علي وش اسوي معاه انا تعبت منه ؟؟ والله تعبت

اعذروني ع الشخابيط بس والله اكتب وانا عقلي ماهو معي


ولاتنسوني بدعوه منكم بظهر الغيب يمكن ربي يستجيب ويصلحه