أيش صار عليك حبيبتي

الله يهديك و يعينك على اللي انتي فيه


الله ييسر امورك ويكتب لك الخيره في امرك
ويخلف عليك بمن يسعدك ويهنيك
استخيــــــــــــــــــــــــــــــــــري

its me again
والله يا اختي اذا شايفه انج يمكن تحنين له وترجعين..فــ أنا انصحج انج ماتقابلينه خير شر..عشان ما يحرك مشاعرج بدمعتين وتحنين عليه..
واذا طلب انه يشوفج خلي الوالد يرفض,,لحد ما ينحل الموضوع....صدقيني هذي احسن طريقه بتخليج تبتعدين عنه تدريجيا,,
ولو مهما قال ومهما طرش مسجات وترجاج انج تقابلينه,,طنشيــــــــه..
والله يقدملج اللي فيه الخير..

صدقيني قالوها قبلنا
الرجال تعرفين من اللي يفوز فيهم؟؟؟
الشلقاء والبلقاءوالشينة عند الملقاء!!!
مااقدر ازيد اكثر من كذا الله يكون في عونك

امس ابوه كان مريض ورحت ازورهم ويوم عرف اني موجوده قال لأخته ابغي اشوفها عشان اعتذر منها وطبعا ما رضيت اروح وحاولت معي كم مره واتقولي مب عشانه عشاني لو لي خاطر عندك وقالت لأمه وامه على طول خذتني من ايدي وودتني عنده ما قدرت اقول شي واستحيت منها مع اني حاسه انه اريولي ثجيلة غصب احركها وأول ما دخلت عنده مسكني من ايدي وقبلني على راسي بس سبحان الله ما حرك ولا شعرة فيي وتم ماسك ايدي واما ماقدرت ارفع عيني في عينه احس اني ما ابغي اشوفة يسألني إذا سامحته ولا لا قلتله خلاص كل اللي بينا انتهى قالي دام ويهج فيه الخير ما ينتهي اللي بيني وبينك وطلعت عنه ورحت يلست ويا الحريم وهو انشغل ويا الرياييل وحاولت بأي طريقة ارجع البيت بسرعة عشان ما يلقا فرصه ايكلمني فيها وبعد ما رحت قالولي انه رجع يسأل عني
وعن ردت فعل الوالد قال لأمي أنا ما ابغيها اتروحلهم لو اتصلت لعمها وسلمت عليه واعتذرت منهم بيكون احسن اخاف يأثرون عليها او ايخلونها اتشوفة ويلعب بعقلها انا طبعا يوم سألوني أهلي قلتلهم ما شفته