حبيبتي احلى وطن العراق
البنات ما قصروا الله يجازيهم الخير ..
بس حبيت اكولج انه آني حاسه بيج وكلبي وياج ..
تره اكثر الرياجيل اللي بالغربه هيجي يصيرون , زوجي جان اول سنه من زواجنه كلش شكاك يمكن لان ما جان يعرفني بعده , وآني من شفت طبعه هيجي اول شي كلش ضجت وكلت مستحيل راح اكدر اتحمله , بس بعدين شفت الحاله بدت تخف شويه شويه لانه كنت قدر الامكان اتجنب الاشياء اللي تستفزه واسوي الشي اللي يريح باله ..
يعني ما اطلع الا وياه , علاقاتي بالعالم جداً محدوده حتى الناس اللي اتعرف عليهم يكونون عن طريقه هو .. وهسه الحمد لله والشكر بقت بس الغيره واعتقد هذا شي طبيعي انه الرجال اذا يحب مرته يغار عليهه ..
والله تره لا اهل ينفعوج ولا صديقات اذا لا سامح الله صار طلاق او تهور من ناحيتج , بهذا الزمن يا اختي كلمن ملتهي بروحه والمره العاقله هي اللي تعرف شلون تضحي في سبيل بيتهه واطفالهه , وماكو رجال ما بيه عيب , وكلي امرج لالله وادعي الله يهديه ويطمن باله وابعدي عنج الافكار الشيطانيه اللي تتولد بساعة غضب واتحملي وصبري عزيزتي اجرج عظيم عند رب العالمين وتأكدي انه ربنا مينسا احد حاشا لله ..
اختج المُحبه
ام زيد
حبيبتي احلى وطن العراق
البنات ما قصروا الله يجازيهم الخير ..
بس حبيت اكولج انه آني حاسه...
الترجمه هى
انا اسفه على تاخير الرد اليوم يالله دخلت النت من المدرسه وان شاء الله بس ارجع البيت راح ارد على الكل بصراحه ماقصروا البنات بس انا نفسيتي كثير تعبانه والله