زوجي يدور الزله عليّ

السلام عليكم ... مو عارفه كيف ابدا وكيف افضفض مشكلتي مع زوجي انه يعاندني ... ودايما يعطي انطباع لأهله اني انا مو زينه وان اساس البلا مني انا ...بعد ولادتي بشهرين ظليت اقول له خلني ارجع لبيتي جلس يقول لا مو الحين لين اخذ اجازه عشان ارتب معك البيت ... واخذ اجازه وقضاها في الجلسه معه اصحابه ومع بيت اهله ... ومشاويره ....
واذا سألوه اهله ليش ماتجيب زوجتك يحطها فيني ... يتعمد يحط كل شي مو زين فيني وهم مايصدقون خبر وصار لنا ع هالحال خمس شهور كل مره بجيبك البيت ولا يجيبني ... يخاف اقيده عن الطلعات
الحين جا من الدوام < دوامه في مدينه ثانيه> وانا في بيت اهلي وصار له يومين لامر ولا سأل عني ولا عن بنته حتى وش ناقصكم ماكلف روحه .. وبكره بيمشي ومتأكده مب يسأل عنا ... كل همه في الحياه اصحابه ... مشاويره .. اهله بالخصوص عنده يشوفهم ويجلس معاهم اهم من انه يقابل بنته 😞 تعبت يا بنات وش تنصحوني اتصرف معه ... جربت اسايره ومانفع وجربت احقره وصار يعاند بزود وانا احس اهلي حاسين اني مو مرتاحه وبيننا مشاكل بس مايتكلمون بعكس اهله الي ما ينتظرون فرصه عشان يغلطوني 😫 ... وربي تعبت نفسيتي وصارت تأثر حتى علي وعلى بنتي نصحوني ودي افضفض معكم