زوجي يدور بنات حلوات بدون ملابس !!!!

بنات انا نفاس ولدت من شهر، وماشاء الله مش باين عليا والدة،وبحاول فوق طاقتي افضل بنفس اهتمامي لزوجي ولا يحس بتغيير بوجود البيبي، وبحاول اريحه على قد ما اقدر،المهم: البارح وانا متشيكة لسي السيد في البيت،دخلت المطبخ اجهزله حاجة ياكلها وهو كان ماسك الايباد، قبل ما اجي أنام شيكت عليه الا والاقيه بيدور  في القوقل على : أحلى بنات في العالم بدون ملابس !!!!!!!!!!  انقهررررت يا بنات وجلست ابكي طول الليل وانا مصدومة فيه، كنت أتوقع انو ارقى من كده وان حركات البزورة هذه موب فيه، ما عرفت ايش أسوي وكتبتله رسالة فيها: اخسسس عليك يا أحلى بنات في العالم بدون ملابس !!! على أساس متزوج خ.. من جد ما يملى عينكم الا التراب، خساااارة انك مو قد ثقتي العميااا فيك،كنت أشوفك ارقى ومترفع عن كده، اذا انا جنبك وتدخل تدور بنات حلوات عريانات فشغلك والبحر ووو ايش بتسوي؟؟ كنت مصدقة نفسي اني من جد مالية عينك
ما قري الرسالة بالليل الا لما صحي بعد الظهر وانا مسوية نفسي نايمة، وجا حضني، بعدها غير ملابسه وصحاني قال لي اني طالع وحرجع بالليل زي العادة، دحين لما يرجع يا بنات ايش تنصحوني اسوي؟؟؟ اطنش ولما يستفسر ويفتح الموضوع أقله الموضوع انتهى واللي أبغى أقوله قلتلك هو في الرسالة ؟؟ لان هذا اللي جا ببالي لآني ماااا أحب المشاكل وفالعادة انا المتفهمة والهادية فعلاقتي معاه، وإلا أسوي مشكلة فعلا وما أعديها بالساهل زي ماحيسوي هو لو فمكاني لأنو مشكلجي؟؟  ولا ايش أسوي بالضبط؟؟؟ اسوي زعلانة ولا عااادي؟؟ ولا غامضة ولا اييش ؟؟ أبغى طريقة تربيه وفنفس الوقت تكون متحضرة وأكون فيها انا الحلقة الاقوى، لانو هو دايما يتلككلي على اخطاء انا مسوياهم معاه ونكدي ويقلب اي حاجة على صاحبها
بليييييز دلوني يا بنات تكفون اول مرة احط طلب