زوجي يدور له عروسه بالانستقرام

السلام عليكم ورحمة الله وبركاته
أمس جوال زوجي كام مع بنتي الصغيره ومسكته مدري ايش خلاني ادخل الخاص حق الانستقرام
شفته مراسل نساء كثير يسالهم هل تقبلون الزواج
وأنه من جده وغير سعودي والحمد لله قوبل بالرفض كذا مرة ومسوي متابعه لحسابات خطابات
انا تفاجات لأنه حالتنا مو مرة الحمد لله والله يابنات حتى البيت مو فارشه وصابره على كل شي وقلة الاحترام والسب والضرب أحيانا
صابره على كل شي عشان أولادي وعشان شاريته وذي اخرتها
لما واجهته مرة قال مو لي ادور لأحد ثاني
ومرة حلف قال والله نو لي بس عالمصحف مارضي يحلف
وشوية يقول لو باتزوج راح اقول لك بوجهك ماراح أخاف
وأمه واخواته كلهم متحاملين علي أمه تروح تتكلم علي قدام الناس فلانه مبهذله ولدي وتحكي الناس المشاكل اللي تصير بيننا رغم أنها خالتي أخت امي
بس الله المستعان
أحس الود ودها يطلقني اليوم قبل بكرة وتزوجه
حتى أنها تقول مستعده تمسك عيالي عشان ولدها يتزوج ويصير سعيد
مع العلم أنه مطلقني مرتين ولما طلقني وطلبت مساعده أمه وإخواته الكل تخلى عني واحسهم منتظرين الطلقه الثالثه تصير بفارغ الصبر
انا ماني راعيه مشاكل ولا لي طلبات إلا الصرف العادي ويفرش لي ولعيالي البيت زي الخلق والعالم
والله مو عارفه ايش اسوي
هل هو جاد بالزواج من الانستقرام ولا مجرد هروج وتسليه مع العلم أنه صامت وماسك جوالين دايما
ساعدوني بآرائكم
وادعوا لي ربي يصد قلبه عن الزواج ويسخره لي
ويهديه لي ولعياله يارب