زوجي يرفض طلباتي

السلام عليكم
عندي مشكلة صغيره شاغله بالي ومكدره علي يومي
زوجي مايطلعني ابداً يادوب بيت اهلي واهله
واهلي اذا رحت لهم اطول اجلس ثلاث خمس ايام
حسب مزاج زوجي
في هالأيام اكتشفت انه يطلع ويروح ويجي مع اخواته
واهله اسواق كوفيات مطاعم وطبعاً كل هاذا بحسابه
وانا اذا طلبت منه يتحجج ماعنده فلوس
وطبعاً حجته مايرفض كلام امه واهو نصاب يبني اسكت ومااناقشه
واشوف فواتير المطاعم بخمسيه اقل شي
وانا اذا طلبت منه شي قال ماعندي طفران واهو يوفر
فلوسه الى ان اروح لاهلي وياخذوا راحتهم
من هنا كبرت المشاكل بيني وبين زوجي كرهت العيشه
معه مع ان اول كانت العيشه والحياه حلوه
مع ان يرفض يطلعني ويخرجني بحجه ان ماعنده فلووس وراضيه الى ان اكتشفت طلعاته وخرجاته
وش الحل معه لو يطلعني لو مره بالشهر راضيه
مره لي ومره لهم اوكي .. بس اهو رافض تماماً يطلعني ويخرجني بحكم اني موظفه ومااني مسئول عنك روحي
لاخوانك يطلعونك ..واول انا اللي اطلعه واحاسب بحكم اني اساعده ومايقدر يطلعني يكفيه مصاريف البيت
مرره قلبي متقطع ودي اطلع اغير جو ونفسيتي تنفتح شوي بس مافيه اخواني مع زوجاتهم مستحيل يطلعوني
وحالياً كارهه زوجي ولاحظت يفضل اخواته علي ومستحيل يرفض لهم طلب وانا لا اذا رحتي لاهلك سوي اللي تبين والله من اروح لاهلي وانا احاول اخلص اشغالي ومواعيدي بس طفشششت مرره من هالعيشه وامي مره تتضايق تبيني اونسها واجلس معها واشوف وش تحتاج من اغراض لها او للبيت
وش الحل معه وكيف اغيره واخليه ينتبه لاحتياجاتي
ويلبي طلباتي والله احياناً اكون تعبانه ويرفض يوديني انتظر الى ان اروح لاهلي واروح من هناك