زوجي يرفض لي الوظيفة .. وخلى أخته تتوظف !! قهرررر!!

بسم الله الرحمن الرحيم ...

السلام عليكم ورحمة الله وبركاته ....

صبااااحكم ...مساااكم ....ورد ....

خذوا هالمواقف ياحوائيات ....


الموقف الأول :

(( الزوجة تشتكي من زوجها اللي رفض لها الوظيفة ...ومخلي أخته تتوظف ؟؟؟وش معنى أنا يقول لا ..وهي مايفتح فمه لها ؟؟!! قهرررر!! )) ..

الحين هالزوجة هذي والله مادري شلون تفكر ؟؟!!!

الزوج له على زوجته حق الطاعة يعني يرفض الوظيفة لها لابد تسمعه وتطيع لكن أخته ماله عليها حق الطاعة زي زوجته ... وماله عليها كلمة يوم إنها عايشة في بيت أبوها وأمها موجودة ....وش له فيها توظفت أو لا ؟؟
ثم نفقة الزوجة واجبة على زوجها وحق لها عليه ...لكن مالأخته حق عليه ينفق عليها طالما أبوه يصرف عليها ..
يمكن هالأخت ماتكفيها نفقة أبوها عليها وتبي تحس بالاستقلال المادي شوي ...أو تتسلى يوم إنها للحين ماتزوجت فماعليها مسؤولية ...وفاضية ....فليش الحسد والغيرة من زوجة أخوها وعقد المقارنة الغبية بين أوضاعهم ؟؟!!!!!

الموقف الثاني :

(( أخت الزوج منقهرة مررة من زوجة أخوها علشان زوجته تلبس وتتمكيج ...وتكشخ ...و... وفي بيتها أثاث راقي ..وحتى المطبخ ماسلم عندها أدوات مطبخ من عجانات ..وخلاطات...و...و....
وتبي أخوها يجيب لهم في بيت أبوها هي وخواتها نفس اللي يجيبه لبيته حتى خلاطات وعجانات مطبخه تبي مثله ؟؟!!!)) ....

الحين هذي الأخت وش اللي حارق رزها ؟؟؟
أخوها يصرف برضاه على زوجته ولبسها ومكياجها وأثاثها ...و...و .. وهذا يسعدهم الاثنين ويجلب الود بينهم ...لكن الأخ مش ملزوم إنه كلما حط له شيء ببيته يقوم يجيب مثله لخواته ...ليش هم ضراير لزوجته يعني وإلا كيف !!!
صدق بعض الحريم تفكيرها أخس من تفكير البزر !!!!

الموقف الثالث :

(( أهل الزوج بشكل عام عندهم مبدأ يحق لنا كل شيء لكن مايحق لعيالنا وزوجاتهم شيء !!!!...
مثال : يحق لأهل الزوج السفر ..والتمشي بدون مايعطون خبر لولدهم وزوجته عن أي شيء ..لكن لازم ولابد وغصب و..و...إن ولدهم المتزوج يقولهم عن تخطيطه للتمشي ..وكم بيقعد ..ووين بيروح ...و...و... وبعد مرات لو اشتهوا يشيلون لهم كم من غيار وياله يسابقون ولدهم وزوجته على السيارة ويروحون معهم ))!!!!!!

وقيسوا على هالمثال مواقف عدة ..الله المستعان ...


الحين بأترك المايك لكم ياحوائيات ..ما أستغني عن آرائكم ...ومواقفكم ...وتعليقاتكم ....

والله يجزاكم خير على كل دقيقة استقطعتوها من وقتكم حتى تطلوا على موضوعي ..

ياليت تدعون لي بإن الله ينصرني نصرا من عنده .....والله يحفظ لكم حبايبكم ....