زوجي يرفع الضغط وشكرا

السلام عليكم كيف الحال بنات ؟
تخيلو من ١٠ بالليل امس صاحيه للحين مانمت كانت عندي اشغال وطلعت اتقضى مع زوجي للبيت
طلعت من البيت ٨ الصبح ومارجعت الا ١ الظهر
المهم
رجعنا البيت قال انا جوعان سوي غداي قلت ابشر
واروح والقى الماء طافي واسأل الجيران بنات وش السالفة قالو كلنا طافي الماء عندنا واروح ادخل عليه وكان يلعب بالجوال مانام اعلمه
قلت مافيه ماء قم افتح الدبه وعب القدر ماء بغسل الرز فيه وقال يوه وانتي ياكثر طلباتك ومدري ايش
عبيها انتي قلت رجال انا اشيل الدبه ؟ قال ايه وسفهته سكت ورحت اجرب كل مغاسل البيت بشوف كل البيت منقطع ولالا ولا لقيت قطرة ماء
ورجعت له وقلت له يلا قم عب لي عشان اغسل الرز والخضره قال مابي غداء خلاص قلت كل ذا عشان ماتقوم تعبي القدر !! قال ايه مابي قلت ماتبي؟ قال لا مابي شيء قلت طيب وادخل اغراضي وارجع فراشي وانسدح بنام منهلكه
المهم ويقوم هو واسمع قربعه بالمطبخ وطلعت قلت شتسوي؟ ومارد علي وجيت بكمل الطبخ وقال محد طلب منك تساعدين اطلعي برا قلت لا انا بطبخ قال انقلعي عن وجهي مابي شيء منك
واقعد اناقشه وقلت انا ماقلت لك لا انت اللي عييت تبيني اشيل الدبه والمهم نقاش وقال اطلعي قلت انت اطلع بكمل الغداء انا قال اطلعي انا اقول
وطلعت من المطبخ ورجعت السرير .. المهم انه بيزعل يومين شكله وانا ماسويت شيء وبيحطها فوق راسي 🙂
بنات بالله شالحل مع الادمي ذا عنيد وعصبي !
وللمعلومية بس اذا وحده بتقول وراه ماشلتي الدبه وعبيتي وفكيتي راسك من شره ، مستحيل اشيل الدبه لو يموت ماشلتها هو رجال على ايش؟؟؟؟ وفوق كذا انا حامل وثقيله والوقفه تتعبني مره يحمد ربه ويشكره اني مواصله من امس وبطبخ له وين يلقى زيي لو احد غيري كان قالت جب من برا




بنات تدرون رحت كلمته بناقشه اقوله علمني غلطي يقول اطلعي مابي اكلمك .. ياربي رفع ضغطي قسم بالله المشكلة اني جوعانه يابنات ابي اكل 😢💔 .