زوجي يرفع علي قضية

السلام عليكم
اولا انا صار لي كذا شهر تاركه بيت زوجي، وانا في بيت اهلي حاليا
كارهته بالمرررره ماطيق حتى اشوف وجهه احس جدران البيت ضايقه فيني من شده كرهي له
ماعاد اقدر اتحمل اكثر وابي الطلاق منه، طبعا تدخلو ناس عشان يصلحون طوال هالشهور
مثل الوالد الله يخليه لي، لكن بدون جدوى..
الحين زوجي رافع علي قضية اسمها (انقياد)
وش مضمون القضيه؟
هل فعلا بيرجعني للبيت بالقوه؟ زي مايقولون بيت الطاعه
وش راح يصير في المحكمه بالضبط ياليت الي عندها خلفيه تعلمني. مثلا:
هل راح اجلس انا وياه قدام القاضي مع بعض، ولا كل واحد بيدخل بلحاله؟ (لاني مابي اشوف وجهه)
وش راح يقول القاضي بالضبط ووش راح يسال عنه؟
هل لازم يكوون معي محرم؟ يعني مثلا ابوي اخوي عمي ولا مايحتاج؟
هل راح يقبل القاضي بعذري الي هو (الكره) حتى لو مافيه مسوغات شرعيه؟ علما اني ان شاء الله راح ارجعله مهره كامل
بس المهم يطلقني... يابنات ساعدوني اي احد عنده خلفيه يعلمني انا اول مره ادخل محكمه وكذا -____________-!