زوجي يرمي كلام ولا يعرف يراضي

انا متزوجه صار لي ٤ سنوات من رجال طيب وحنون ومتفهم وواعي ومرتب ونظيف وفي الدين سيده و و و و من الصفات الجميلة اللي انا وكل البنات نبغاها ، لكن فيه صفات واطباع تنرفززززز

تخيلوا بنات صار لنا فترة نتهاوش واعطيه فرصه ونرجع لبعض ويرمي كلام ونرجع نتخاصم واعطيه فرصه نرجع ويرجع يرمي كلام ونتخاصم على هالدوامه اكثر من شهرين متخيلين اخ بس تعبت استنزف طاقتي..

امس رمى كلام واشوف ان زودها هنا ، تخيلوا متكشخه ومترتبه له وصبغت شعري من درجات البني والأحمر وواضح اللون مررره لو أعمى شاف كنت متحمسه اشوف ردة فعله ويوم جا كلمني عادي و مدح كشختي مدحات كالعاده نفسها، وقعدت المح بالشعر وزهقت وعلمته وقال شعرك اسود نفسه😨 يابنات اننقهرررتتت انا اصلًا شعري الأصل مو اسود نهائي من درجات الشقار معقوله لاصقه به هالسنين ومايشوف !

وبيني وبينكم حزت بخاطري وحاولت ما ابين واضحك واتكلم وعلمته وقال انتي نفسها ما اشوف الوان تتجدد عليك وزينتك نفسها ومكياجك!!

+ انا من منطقه وهو من منطقه فا سكنت بمنطقته فا إذ رحت لأهلي احيانًا ما يجي معاي عشان شغله فا اصور وجهي وانا الصق وجهي بالكام وامس اعترف وقال حتى لما تصورين ما اشوف وجهك مايبين والإضاءة اللي تصورين فيها خرا "أكرمكم الله"


يعني أمس قال اكثر من كذا ورمى كلام وتعبت نفسيتي كل هالسنين مافي يوم يشوفني مكركبه كل يوم اتزين بكل الطرق والستايلات وطريقه مكياجي اغيرها بين فتره وفتره وكلشي لدرجه مستحيل يطفش مني كل يوم احسب اني ابهره واتعب نفسي واضغط على عمري عشان اطلع له بأجمل صورة وبالأخير يقول انتي نفسها ماتتغيرين😞

اعرف الرجال مايلاحظون وعندهم مشاكل مع الألوان والدنيا لكن يابنات ولله كلشي اسويه واحطه والبسه وحتى لون شعري واااااضحييييييننننننننن مرررررره مرررره يعني

اااف اليوم الصبح رجعت لأهلي وكلمني و رمى كلام زود؟؟ بلكته من كل مكان حتى البريد ولسه ما تعب نفسه يجي او يشوف طريقه يوصلني فيها ويراضيني وهو مايعرف يراضي ابد يزيد الطين بله ومايتغير ااخ الله يعيننا على هالعيشه القشره يابناتوش اسووي

"اعذروووووني لا طولت بالسالفة بس من القهر ماعرف وش اقول وش اخلي"