اكيد الاخت عين جارية ماكتبت الموضوع الا ان عليها ضغط يعني ماهي ساعه وحده باليوم زوجها يبغاها تجلس معاه لو كذا كلنا نجلس مع ازواجنا ساعه في حال ناموا اطفالنا لكن اتوقع هو يبغاها اكثر من ساعه وهي مقابلته بدون اطفالها وحسب مزاجه بالوقت اللي يبغاه وهالشي اكيد صعب
واللي تقول كيف تنظف وتكنس وتطبخ اكيد حتى وهي تشتغل بالبيت ولدها بيكون حولها اذا خلته 5دقايق وترجع له كلنا نشتغل واطفالنا عندنا
انا عندي بنتي 9سنوات والولد 7سنوات لكن ماعتمد عليهم نهائي باني اخلي خواتهم الصغار معهم الا ماينشغلون عنهم
وحتى انا نفسي اكون مثل زوجها واجلس مع زوجي ساعه بدون ازعاج لكن اذا مافيه هالوقت لازم اتنازل واضحى ومصيرهم بيكبرون ويتغير الوضع
واللي يقولون يغار من الولد ماتوقع كيف يغار منه وهو ولد جاء بعد بنتين وبعد مده ماهي بسيطه اللي اعرفه ان الرجال يحبون الاولاد ويبغون زوجاتهم يهتمون فيهم اكثر
لكن زوجك يدور عذر عشان بعدين يقولك انتي مشغوله عني مانتي فاضية لي عشان كذا يضيق عليك عارف انك ماتقدرين تتركين ولدك
وانتي واضح عليك ضغوط اكثري من الاستغفار وان شاء الله تتيسر امورك ويخف عليك الضغط

اختي شيفون اقري زين تقولك مضايق من يوم جابت الولد يعني مو هيا الي شايفه زوجها عدو زوجها هو الي كاره الولد وهوا ولدوا وهوا الي جايبه وش رايك هل هذا عدل وهي المتبهذله فيه

يا أخوات بعض الرجال مرابط في بيته ٢٤ ساعة وما يبغى زوجته تفارقه و يحب يسولف وزوجته تسمعه صدقوني هذا ضغطه أشد من الي قليل جلوسه في البيت و بعضهم نفسيه و يزعل على أتفه الأسباب يضع لنفسه قدسيه و الزوجة تحس إنها مستهلكة و طاقته مسحوبه على الأخر ما لها وقت خاص لها و لا تقدر تتواصل مع أقاربها بشكل طبيعي لذلك ياحبيباتي لا تقارنوا أزواجكم بزوجها بعدين تلوموها والله لو تجربوا كان عرفتوا عن إيش هي تتكلم و مقدار الضغط عليها
ياقلبي عليك بالاستغفار عسى الله أن يفرجها عليك
والأفضل تسألي استشاري أسري
الله يعينك ويسخركم لبعض و يؤلف بين قلوبكم ويسخر زوجك لذريته ويلين قلبه لهم ويجعلكم قرة عين لبعض

اختي نزلتي موضوع وتبغي حل وبالنهاية ولا عجبك اي حل من البنات اللي وزنو الامور مابين زوجك وولدك لكن ارتحتي للحلول من البنات اللي ايدوكي
فعلا المرأة عدوة نفسها ماتسمع النصيحة ي اختي يقولو النصيحة بجمل فليه هذا العناد والتعصيب اذا ريحوك اجابات اللي نفس رائيك اش الفائدة لازم الواحد يسمع للرأي الاخر
انتي مكبره الموضوع وعامله ضغط نفسي لنفسك من تفكيرك وعنادك المرأة غير الرجل في تربية الابناء لو كان زوجك متضايق من الخلفة كان سوى حلول لعدم الخلفة فوقي من العناد اللي انت فيه واسمعي حلول البنات الله يهديك

اختي بنتي غيرت حياتي انا عقبت ع الردود وشفيكم انتم كذا ؟؟؟ ماتبون صاحبة الموضوع تناقش عجيبين صراحة !!!!