ام عمر الراقي @am_aamr_alraky

عضوة نشيطة

زوجي يريد الزواج على والسبب ................؟؟؟؟

اخواتي السلام عليكم ورحمة الله وبركاته : اخواتي انا عندي ولدين ولله الحمد متاخرة 9 سنوات وكنت اعتقد ان السبب انا مع ان دورتي منتظمة وكنت اجري هنا وهناك واسوي تنشيط واحدد الجماع بدون فائدة وبعد ذلك قرر زوجي يروح يكشف في مصر وهو يرتب شنطته كان يقول انا متاكد اني مافي شيء بس بفحص وتطمن -ولما راح وفحصه الدكتور قال عندك دوالي اختار في العلاج الطويل او العملية اذا كنت تريد من ام عيالك اولاد واختار العملية وشاف الدكتور تحاليلي واشعة الصبغة قال المراة سليمة ومن يوم ما جاء وهو يقول انا سويت العملية عشانك وجلس في البيت اكثر من عشرة ايام وهو ما يخرج مع انه في العادة نادر مايجلس في البيت بسبب كثرة اعماله ( رجل اعمال ) وخلال جلسته في البيت الا يقول لي تراني بتزوج عليك قلت ليش قال ابغى عيال وزعلت وعصبت وقلت من الذوق انك ما تقول هذا الكلام في ها الفترة المهم طال النقاش قال انا راح اجل هذا الموضوع 3 سنوات وبعدها يصير خير وقال انا عارف اني مالقى احسن منك ولا اعقل واخاف اطب في وحدة خبله او غبية اوتنجب اولاد اغبياء وللعلم انا ولله الحمد على قدر من الجمال والذكاء واولادي جميلين وذكياء وانا صرت كل شوي اقوله زعلتني ونكدت علي وهو يقول انسي الموضوع وسافر وهو في الطريق اتصلت عليه قلت له الدنيا ضايقه فيني واحسن انك رايح لحرمة مانت رايح لشغل وضحك وقال لو دريت ان هذا الكلام بيخليك تهتمين في كان من زمان قلته لكن انا كل بعد سته اشهر بعيده عشان اسمع منك كلام حلو وبعدين قال وكلي امرك لله واللي كاتبه الله بيصير ويمكن تحملين وتتغير النضرة ولان ماحصل شيء واقسم بالله انه لا توجد امراة في راسه سوالي هل هويفكر فعلا بالزواج اوبس من قعدة البيت وبعد مايرجع لشغاله ينسى اتمنى منكم المساعدة وان الله يصرفه عن هذا التفكير

يلزم عليك تسجيل الدخول أولًا لكتابة تعليق.

تسجيل دخول

لوعة الحزن • 13 سنة

ادعي ربي ان يصرفه عن الزواج ف كل صلاة

ريح البيلسان* • 13 سنة

تسألينا في اي ايش يفكر زوجك ؟؟؟؟؟؟؟؟؟؟؟؟؟؟؟
على العموم ترا رده فعله تعتبر طبيعيه
لانه في شي في نفسه انكسر
ويمكن انتي قلتي له ترا التأخر منك مو مني
وحب يعوض هالكسر انه كمان يكسرك
حاولي انك توضحين له ماابي عيال اهم شي انت طيب
وعندنا اثنين الحمدلله ربي يصلحهم ولا 10 يهبلون فينا
وربي يصرف نظره عن الزواج

ام موكي • 13 سنة

الله يسخره لك يارب ..
ماادري وش اقولك بس من جد الرجال يخوفون..

يوشـــااا • 13 سنة

اللهم فرح قلوبنا .. وآنس وحشتنا .. ونفس كربتنا .. وفرج همنا .. وأزل ضيقنا .. وعوض صبرنا .. وقر اعيننا
بذرية صالحة معافاة ليس في خلقها زيادة ولانقصان واجعلهم خيراً لنا ومن البارين بنا ومن المستغفرين لنا عند مماتنا
واجعلهم من الصالحين ومن حفظة كتابك الكريم ومن المجاهدين في سبيلك عاجلا غير آجل يارب العالمين آآآآآمين ..

أسرار2007 • 13 سنة

جد كلام ام موكي الرجال يخوفون الله يسخره لك يارب اكثري من الدعاء اخر الليل ..