زوجي يزعل من غير سبب رافع ضغطي

السلام عليكم
بنات وش ممكن أتصرف معه
عجزت أعرف له
لي أكثر من ١٠ سنوات متزوجة
فيه طبع يزعل فجأة
على أتفه أتفه سبب
يعني مثلا قبل أمس رايق و مافي احلى منه
و ثاني يوم فجأة كنت عند اهلي جاء اخذنا و ماد بوزه شبرين و مطنقر علي! وانا عادي اسولف و انشد انتشيد وطنية محتفلة😂ً
وهو يدور علي الزلة!
و بعدها نام
ويوم صحى كنت اجهز اطفالي للمدرسة
قاعدة البس بنتي بالروضة
و طفلي الثاني يصييييح و ماسك ظهري يعني ماقدرت حتى اوقف عرفتوا
وهو الاب واقف و باعلى صوت ( وين فطوري!!))
طيب مو هذا وقتك( قاعدة اقول بقلبي) قلت ابشر بس اجهزهم للمدرسة و اسوي فطورك
فطوره بالعادة اجهزه بعد طلاب المدارس يجي دور الاب
قال وهو معصب ايه اصلا انتِ مهملتني! وما هميتك ومن هالكلام وانا وجهي 🙁🙁🙁🙁
يعني امس مافينا شيء فجأة قلب علي!!
المهم صلحت له غداء يوم رجع من الدوام
قال بنام الحين
و يوم صحى العشاء صخنت له الغداء و قدمته له و قعد يهاوش هذا غداء الظهر شلون تحطينه الحين !!!
طيب كان عادي دايم ياكل اكل الظهر اسخنه ليش كذا فجأه تغير مدري
الزبدة مدري شلون اتصرف معه رافع ضغطي
و مسوية نفسي عادي اتقهوى و مسوية لي جو و طربانة 🤣🤣 وهو مطرطع على ايش مو عارفة!
واذا سألته يجيب اي عذر اي زلة يمسكها علي ويقلب الطاولة علي

هو كريم و طيب وماهو مقصر معي ولكن شخصيته بصراحة متعبة جدا جدا جدا

وما احب اتفاهم معه بالواتس يقعد يسرد لي مشاكل قديمة و يفتح ابواب مسكرة بالشمع الاحمر
واذا قابلته وجها لوجه يلعلع و ضوته يوصل اخر البيت و اهله يسمعون احراج فأضطر اني ما احادله بسبب صوته العالي
افيدوني اسفة طولت عليكم