مشكوره ام الغالي

الله يخليلج الغالي وابوه

زوجي تحاليله كل ماشافوها الدكاتره قالوا ماشي الحال مش بطاله
ومايعطونه ادويه
حتى بالاردن قالوله الحركه ضعيفه ونسبه كبيره مشوهه وماعطوه علاج بس حطوا حيلهم فيني ههههههههههه

وحملت اول مره بدون علاج لي ولا له واسقطت

وبعدها عالجت انا بابر لانهم قالوا فيه ضعف بالتبويض ومدري على اي اساس قالوا هالحكي

المهم تلقيح صناعي ومشى الحال الحمدلله وحملت وجبت بنتي الاولى

عدنا التلقيح مرتين ومامشى الحال

رحت لدكتوره وراويتها تحاليل زوجي
قالت زينه بس يستحسن ياخذ هذي الادويه
كلوميد والمضادات الي قلتلج عنها لانه مدخن
وكتبتلي ابر وماستمريت انا على العلاج

وزوجي قالت لازم يستمر ثلاث شهور
هو بس شهر وزهق
والشهر الي وراه حملت واجهضت

مرت شهور

الدوره منتظمه نوعا ما

نزلت الدوره وقلت لزوجي بعالج

قال هالشهر بس اخذ الحبوب واشوف شنو يصير <<<<<<< اخذها بدون استشارة طبيب يعني نفس الجرعه الي حددتها الدكتوره قبل

يوم 19 من الدوره قلت يابنت روحي سوي سونار وشوفي التبويض بدون علاج

رحت قالت الدكتوره انتي متاخره بس بنشوف شنو يصير

انصدمت
بويضه موجوده وحجمها 21 !!!!!............. بالعلاج يادوب توصل 18 بعد طلوع الروح

قالت الدكتوره البويضه جاهزه وشدوا حيلكم ههههههههههههههه
كنت وقتها مستمره على الفوليك اسيد شهرين
وزوجي له 19 يوم ياخذ الحبوب

باليوم الثاني الصبح قاعده اطقطق على المنتدى
والله حسيت بالبويضه وهي تطلع من المبيض

الم بجهة اليمين

وطبعا طبقت نصيحة الدكتوره وشديت حيلي يومها ههههههههههههههههه اقصد وقتها... على طووول ماعندي غشمره

والحمدلله ماجات الدوره

وحملت

وجبت غاده

وهذي القصه كامله يمكن تفيدج بشي :)

ماشاء الله تبارك الله أحسن الخالقين ..

يا بعد عمري الله يحفظهم لك ويرزقك بأخوا لهن في القريب العاجل ..
ما قصرتي وفيتي وكفيتي في إجابتك ..
وزوجي يستخدم الكلوميد من الشهر هذا والله يكتب اللي في الخير ..

الله يعطيك العافيه ..
وإن شاء الله أني ببشركم قريب <<< متفائله ولله الحمد ..

السلام عليكم ورحمه الله وبركاته
اختي العزيزه انا اليوم دشيت بس عشان ارد على موضوعج لاني قريته الصبح مبجر ( قبل ما اروح الموعد عند الطبيبه )
وسألت الطبيبه قلت لها : رفيجتي تقول ان زوجها استخدم كلوميد .
وان نفع مع ناس و حملت الحرمه بعد ما زوجها استخدم الكلوميد ( لان في رد من الردود بموضوعك يقول جذي )

تعرفين الدكتوره شنو قالت لي ؟
قالت : هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ليش الرجال عنده مبايض و رحم عشان الكلوميد ينفع معاه !!

الكلوميد حق الرحم والمبايض ( المرأة ) ما ينفع للرجل .

وقالت : الرجال اللي يعاني من ضعف او بطئء في حركه الحيوانات ياخذ كورس ابر بس ما يكتب له كلوميد .

اختي نصيحه اتمنى انج تغيرين الطبيبه هذه او تسألين في اكثر من مكان لان الكلوميد للمرأه وليس للرجل .

بس اختي

الدكتوره الي كتبته دكتوره شااااااااااااطره واشهر من نار على علم

وسالت دكتور ودكتوره بنفس مستواها وقالوا فعلا يجيب نتيجه بس ياخذ وقت يعني ثلاث شهووور

والله ما ادري انا اللي سألتها دكتوره انيتا في مستشفى هادي
تقدرين تتأكدين منها زياده في المعرفه
انا مره قريت ان الكلوميد عباره عن هرمون
يرفع هرمون معين في الجسم فلما يعرف المخ
يصدر اوامر بزياده في انتاج البويضه يعني المخ يكلم المبيض ويحثه على انتاج البويضه :)
هذه فايده الكلوميد اللي هو نفسها ( كلوميد = اوفا ميت = في دواء ثالث مو ذاكره اسمه يستخدمونه البنات ) يعني الثلاث ادويه هذه نفس الشي كلها عباره عن جرعات معينه من الهرمون .


بالنسبه لضعف الرجل و الحيوانات المنويه او قله حركتها فالدكتوره اكدت عليه ان في كورس ابر ياخذها الرجال و مرات يعطونه ادويه بس اكيد مو كلوميد

و الله العالم انا انقل كلام سمعته من الدكتوره انيتا