زوجي يستغل حبي له وسكوتي ارجوكم ساعدوني مليت

السلام عليكم
انا في اشد الحاجه للمساعده السالفه تزوجت قبل 4 سنوات والحمدالله كان الوضع تمام كل شي نفسي فيه احصل عليه وبعد فتره صار يشكي من ضروفه لما يشكي احس اني انا السبب وهو قالي من اخذتك ووضعي الاقتصادي في تدهور ومشكلتي اتاثر بقوووه بالكلام صرت اخفف مصاريف حتى مصاريف البيت الاكل والشرب اشتري بالحبه مو زي خلق الله بالعشرات رغم انها تجي ايام مااحصل اللي اطبخ فيه ويلومني وهو ثقيل لو ابغى اغراض للبيت يمكن اجلس اسبوع اطلب مو بس اغراض البيت اي شي ابيه اجلس احيانا شهور اطلب وما اطلب على طول مره مرتين لو صرخ سكت صرت اشوف الشي اشتهيه واسكت والزعل اذا صار يطنش ماعنده مشكله لو يجلس اسبوعين يدخل ويخرج كاني مو موجوده اكثر شي انا اللي ابادر وارضيه حتى لو كان هو الغلطان ولما اطلب شي ويكون غالي يقول ليه سعره كذا ويجلس يقلب فيه ومايستاهل ولما اسمع الكلام ذا على طول من غير ماافكر اتركه حتى لو بموت عنده ونفسي فيه مدري هو بخيل بس انا اشوفه مو بخيل مدري وين المشكله فيني فيه اااااااه ياربي طلبته مصروف عطاني 300 ريال في الشهر جلست شهرين عليها مليت ماتقضي لي شي وبعدها رفضت قلت ماابيها وفي البيت مايترك لي ريال يقول لما تبغين شي قولي لي والمشكله كل وقته برا ولما احتاج شي اضطر اتسلف ارجوكم ارجوكم ارجوكم ساعدوني ابي مشورتكم خالتي لما شكيت لها قالت زوجك حاله صعبه الله يجزاكم الجنه ساعدوني مليت .