(نسيني الدنيا) @nsyny_aldnya

عضوة جديدة

زوجي يستهزء فيني ..

زوجي يستهزء فيني ..
السلام عليكم ورحمة الله وبركاته ..

بنات والله اني اكتب لكم وانا كلي حسرة .. زوجي دايما يتطنز على شكلي وخصوصا بطني لأن عندي كرش من بعد الولادة كأني حامل ودايما يستهزء فيني .. لدرجة اني تعقدت منه .. علما أني أنا عندي 4 أولاد واللحين كني حامل بالشهر السادس والله نفسيتي مرة تعبانة .. .. يعني أنا وش ذنبي وفكرت أسوي شفط للدهون بالأبر .. وابغى رايكم .. اذا أحد جرب يقول لي ..
والله يجزاكم عني كل خير ..

يلزم عليك تسجيل الدخول أولًا لكتابة تعليق.

تسجيل دخول

caramel12 • 17 سنة

اولا ....

خلي نفسيتج عاليه..

لا تخلين مخلوق يستهزء فيج..

ثانيا خلي هذا دافع انج تشتركين بنادي صحي لو تقدرين وتمشين على نظام غذائي ..

ولو عندج 4 ماشاء الله يحفظهم ربهم ...,وقفي ولاده..

لو حالتج الماديه تسمح استخيري وسوي عمليه شد بطن ..تراها بسيطه ونتايجها هائله.

والين ما تتيسر امورج طنشيه ...وقوليله ان هالكرشه ما طلعت الى عشان اييب لك عيال يشيلون اسمك من عقبك .

طمنينا عليج وربي ييسرها لج

@المنصورة@ • 17 سنة

اختي الجئ الى رب السماء والارض واحذري من العملية فقد توفي ناس منها وحاولي ان تعرفي ان تخفي عيوب بطنك من خلال اللبس الذي لايظهر الكرش حاولي ان تشدي بطنك للداخل اثناء جلوسك وعملك وفي كل وقت وامتنعي من شرب الماء اثناء الطعام وقللي من الارز وشربي مرامية وشاهي اخضر واسال الله لك جسم رشيق يعجب زوجك

zahrit alkamelia • 17 سنة

(والين ما تتيسر امورج طنشيه ...وقوليله ان هالكرشه ما طلعت الى عشان اييب لك عيال يشيلون اسمك من عقبك)كلام سليم
أختى حاولى انك اتروحى على مركز لياقة وحاولى انك تعملى تمارين لشد البطن مع شوية ريجيم
واللة يسهل أمرك

فررررح • 17 سنة

حبيبتى لاتضايقين روحج ولا اتزعلين عمررج والله هالريايل ماندرى شنو ايعجبهم اذا ماحملنا قاموا عليناا واذا حملنا ويبلانهم يهااال قالو شكلج اشفية جذى معتفس

خلى ايمانج قووى وقوليلة انت يوم اخذتنى ماكانت لى هالكررش بس علشان يبتلك يهاال يعنى السبة منك انت مو منى انااا

وعلى فكررة يمدحووون خل التفااح للكرش جربى وشوفى

مـاشـي الـحـال • 17 سنة

العمليه اللي بالابر هذي لازم تسوين معها ريجيم ورياضه والا ماكأنك سويتي شي
وشفط الدهون انا سمعت دكتور يقول لوحده بس اذا حملتي لاترجعين لي
يعني اذا شفطتي بطنك ماعاد تحملين لانه بيكون خطر عليك
حطمتك خخخخ
والله كل شي هنا صعب
حاولي تسوين رياضه لبطنك وشوفي قسم الريجيم هنا وسوي اللي يناسبك منها
والله ذا الرجال مايملى عينهم شششششششي
الله يعينك حبيبتي