السلام عليكم .....
حبيت أطرح عليكم مشكلتي وياليت أحصل على الحل المناسب واللي يكون فيه فايده...
أولا: بوضح لكم حالتي الإجتماعيه:
أنا متزوجه...وفترة الزواج مرتعليها سنه ونصف تقريبا ولدي طفل عمره 4 شهور ومازلت أدرس بالجامعه.
ثانيا: المشكله:
والمشكله هي في حياتي الزوجيه .... أنعقدت انا وزوجي لمدة سنتين...وكنت دايمن أشكي منه من أختفائه الدائم.... وكنت أقول له ليش تختفي فيطلع لي اعذار كثيره وأعذار ماكانت مقنعه....المهم فكنت اريد منه الاهتمام والحب وفي هذيك الفترة توفى شخص عزيز على قلبي وكنت أرتاح له وأخبره بكل شيء....وتوقعة من الزوج يكون يعوضني ويهتم فيني أكثر...وبالعكس ...ففي يوم من الايام أختفى عني شهر وكان تلفونه مغلق....وطبعا اتصلت بأهله وخبروني إنه في دوره عسكريه في الدوام وممنوع عليه التيلفون وطبعا أهله أخفوا علي ....وانا تضايقت فعلا لانه راح الدوره بدون مايخبرني...وبعد شهر يتصل..ويتأسف ومع الايام أعترف لي بشيء وكان يقول لي أخاف اخبرج وتتركيني.....وأنا وعدته مهما يكون هالشيء بالعكس بفرح لانك ماتخبي علي ومابتركك بشرط إنك تبت عن هالشيء اللي ندمان عنه...قال لي إنه كان يشرب الخمره...وسجنوه شهر كامل وكان هو وأصابه في شقة والشرطه طبت عليهم....المهم انا مابكذب عليكم تضايقت بس أظهرت العكس....وماخبرت احد غير أمي وأمي تمت تقول لي دامه صارحج يعني تاب....ورجع نفس قبل يختفي عني ..وأنا بعدها كنت ابي أهتمام من جهه ومن جهه أخرى أبي شخص يساعدني على إني أهتم بزوجي....فتعرفت على شخص في فترة العقد وكنت أصيح له وأشكي له عن زوجي فكان يقول لي أصبري عليه وحاولي تغيرينه بأسلوبج وأكيد أمتنع عن الشرب....المهم انا أستمريت مع هالشخص وكان بمثابة الأخ...وتزوجت....وأكتشفت غن زوجي مابطل الخمره .....بس كان يشربها برع البيت...وأنا ماكنت اعرف إنه يشرب ..ألا وحده من زوجات أخوانه خبرتني إنه كان يشرب وقالت لي ركزي عليه إذا رجه لها ولا لا....وكان زوجي ينكر....ومع الايام زوجي أكتشف إني اكلم غيره ...وطبعا عصب....وأنا بعدك هذاك اليوم تركت الشخص اللي كنت أكلمه.....وفهمت زوجي ليش تعرفت عليها....وأنا أعترف إن اللي سويته غلط....المهم...زوجي سامحني بس يوم تصير مشكله يعني يوم يرجع من برع البيت وهو شارب يذكرني بالسالفه إذا نازعته عالشرب....وكنت طول هالفتره وهي كانت فترة الحمل أصيح صياح....وزوجي يوم يشوفني زعلانه منه يطلع برع ويرد سكران............حاولت أمنعه من الخروج....بس مافي فايده كل مره يقول لي بتعدل....ورحت عند اهلي وجلست شهر كامل ورجعت على أساس إنه أمتنع....بس للآسف ماترك الشرب.....والمشكله إن واحد من اخوانه نفس الشيء يشرب... وأخوه اكبر عنه....وأنا ربيت وبعدها حسيت بإنه ماعنده مسؤوليه لين يومه هذا ماطلع لولده جواز....وبعده زاد في الشرب وفلوسه كله تضيع ماعرف وين تروح....وأنا تكون مصاريفي أهلي يدفعونها لي................
حبيت أوضح صفات زوجي: هو إنسان طيب...هادي.... مب عصبي....غامض...كثير الكذب....وأحس إنه يتأثر باللي حوليه.
وياليت تعطوني حل..........لاني ماابي اطلق وأضيع ولدي معاي.......وفي نفس الوقت ماأقدر أستحمل هالعيشه...مع إني أحبه.
غداوي @ghdaoy_1
عضوة جديدة
يلزم عليك تسجيل الدخول أولًا لكتابة تعليق.
منهاتن
•
اولاً السلام عليكم.
اختي حبيت اقولج: انتي من البداية غلطانة وبعدين ولا اسهل منها خلي احد من اهلج يتدخل بالموضوع اذا مايدرون وشوفي شنو بيقولون او اقعدي عند اهلج فترة لين يرجع لصوابه
او يمكن انتي خايفة يقول لاهلج عن علاقتج بالشاب على شان كذا ماتبين تدخلين اهلج بالموضوع. اتكلي على الله واستغفري ربج وتوبي وادعي له بالهداية. واسفة اذا شديت وياج بالكلام انتي الله يهداج بتكحلينها عميتيها يعني طفيتي النار بالنار.
والله الهادي
اختي حبيت اقولج: انتي من البداية غلطانة وبعدين ولا اسهل منها خلي احد من اهلج يتدخل بالموضوع اذا مايدرون وشوفي شنو بيقولون او اقعدي عند اهلج فترة لين يرجع لصوابه
او يمكن انتي خايفة يقول لاهلج عن علاقتج بالشاب على شان كذا ماتبين تدخلين اهلج بالموضوع. اتكلي على الله واستغفري ربج وتوبي وادعي له بالهداية. واسفة اذا شديت وياج بالكلام انتي الله يهداج بتكحلينها عميتيها يعني طفيتي النار بالنار.
والله الهادي
طالما زوجك يشرب الخمر ويجي البيت سكران توقعي منه اي مصيبه عليك في اي وقت ..
توقعي انه يطيح بالمخدرات على شوي شوي .. توقعي انه يبغى فلوس منك لان افلوسه خلصت ..
توقعي انك ترفضين تعطينه افلوس والمروجين للمسكرات والمخدرات يبغون منه فلوس ولا عنده ولا ريال ..
اذا توقعي ان يعرضك شخصيا على المروجين لاجل ان يشرب الخمر وانتي بذلك الضحيه وحينها لا ينفع لا طلاق ولا غيره ..
شوفي حل من الان ومن هذه اللحظه ..
اما رجال يتوب ويبطل الخمر والشراب ويصلي جماعه بالمسجد ويظهر عليه التوبه والصلاه والاهتمام بك ..
او اخبري اهلك من الاهل مباشرة ان زوجك سكير وربما يفعل بك مصيبه مع اصحابه .. ولعل اخوانك يشفون حل معه اذا لم يتوب ..
احيانا يكون الطلاق ارحم مليون مرة من اي مصيبه قادمه او فضيحه انتي متورطه بها رغما عن انفك بسبب سكوتك ومجاملتك زوجك وخوفا من شيء اسمه الطلاق ..
اهتمي بالامر جيدا قبل ان تندمي .. صدقيني .. زوجات اصبحن ضحايا لمدمنين .. وايضا زوجات اهتدى مدمنين على ايديهن بعد الله ..
الان تم وضعك بالصورة وانتي قرري واحكمي ..
الله يهدي زوجك يارب
توقعي انه يطيح بالمخدرات على شوي شوي .. توقعي انه يبغى فلوس منك لان افلوسه خلصت ..
توقعي انك ترفضين تعطينه افلوس والمروجين للمسكرات والمخدرات يبغون منه فلوس ولا عنده ولا ريال ..
اذا توقعي ان يعرضك شخصيا على المروجين لاجل ان يشرب الخمر وانتي بذلك الضحيه وحينها لا ينفع لا طلاق ولا غيره ..
شوفي حل من الان ومن هذه اللحظه ..
اما رجال يتوب ويبطل الخمر والشراب ويصلي جماعه بالمسجد ويظهر عليه التوبه والصلاه والاهتمام بك ..
او اخبري اهلك من الاهل مباشرة ان زوجك سكير وربما يفعل بك مصيبه مع اصحابه .. ولعل اخوانك يشفون حل معه اذا لم يتوب ..
احيانا يكون الطلاق ارحم مليون مرة من اي مصيبه قادمه او فضيحه انتي متورطه بها رغما عن انفك بسبب سكوتك ومجاملتك زوجك وخوفا من شيء اسمه الطلاق ..
اهتمي بالامر جيدا قبل ان تندمي .. صدقيني .. زوجات اصبحن ضحايا لمدمنين .. وايضا زوجات اهتدى مدمنين على ايديهن بعد الله ..
الان تم وضعك بالصورة وانتي قرري واحكمي ..
الله يهدي زوجك يارب
لا حول ولا قوة إلا بالله العلي العظيم
أمر مؤلم بحق أختي العفيفة/ غداوي
لن أزيدك هما إلى همك وأقول لك بأنك مخطئة، ولكن الأمر جد كبير وخطير، فشرب الخمر أمر ليس بالهين، وسكوتك عليه أكبر منه، وأخطر.
كان عليك منذ البداية أن تتعاملي مع الموقف بحزم لأن المسألة ليست عادية، وهنا أهمس في أذنيك وأقول لك : صبرا أختاه قفي وتأملي قضيتك كثيرا وفكري في عواقبها.
إن استمر زوجك على حاله سيهلك وستنتهي العلاقة الجميلة التي ربطت بينكما، فابحثي عن حل عاجل لها، وذلك بعد الدعاء والالحاح على ربك بأن يخلصك من مصيبتك التي أنت فيها.
لقد هجرتيه شهرا فلماذا عدت قبل أن يعتذر ويتوب ؟؟
هل حاولت أن تشركي أحدا من أهله وأهلك في المسألة ؟؟
يجب أن يشعر بعظيم ما يقترفه من ذنب، وإن كان الحل قاسيا بعض الشيء المهم أن لا يستمر، وخوفك من الطلاق هو الذي سيزيد المسألة سوءا ....
لا أستطيع أن أعطيك حلا شافيا ، لكن أقول لك لا تيأسي فهناك حل بالتأكيد لما أنت فيه، ولكن قبل ذلك أصلحي من نفسك بالتوجه إلى الله وكثرة الدعاء والعمل الصالح، ثم اعزمي أمرك وقفي بكل حزم ودعي المشاعر جانبا فهي لن تفيدك في قضيتك، يجب أن تصل الفكرة إلى عقل زوجك وهي أنه لن يسمح له بأن يتمادى أكثر من ذلك وله أن يختار ويتحمل نتائج خطأه.
وثقي بأنك أنت الرابحة مهما كانت النتيجة ، لأنك قمت بواجبك تجاه ربك وتجاه زوجك وسلمي الأمر لله وتوكلي واخبرينا عن النتائج في المستقبل بإذن الله.
أسأل الله أن يهدي زوجك ويدله على طريق التوبة وأن يبعد عنه رفقاء السوء وأن يعينه على شرار خلقه ،، اللهم آمين.
أمر مؤلم بحق أختي العفيفة/ غداوي
لن أزيدك هما إلى همك وأقول لك بأنك مخطئة، ولكن الأمر جد كبير وخطير، فشرب الخمر أمر ليس بالهين، وسكوتك عليه أكبر منه، وأخطر.
كان عليك منذ البداية أن تتعاملي مع الموقف بحزم لأن المسألة ليست عادية، وهنا أهمس في أذنيك وأقول لك : صبرا أختاه قفي وتأملي قضيتك كثيرا وفكري في عواقبها.
إن استمر زوجك على حاله سيهلك وستنتهي العلاقة الجميلة التي ربطت بينكما، فابحثي عن حل عاجل لها، وذلك بعد الدعاء والالحاح على ربك بأن يخلصك من مصيبتك التي أنت فيها.
لقد هجرتيه شهرا فلماذا عدت قبل أن يعتذر ويتوب ؟؟
هل حاولت أن تشركي أحدا من أهله وأهلك في المسألة ؟؟
يجب أن يشعر بعظيم ما يقترفه من ذنب، وإن كان الحل قاسيا بعض الشيء المهم أن لا يستمر، وخوفك من الطلاق هو الذي سيزيد المسألة سوءا ....
لا أستطيع أن أعطيك حلا شافيا ، لكن أقول لك لا تيأسي فهناك حل بالتأكيد لما أنت فيه، ولكن قبل ذلك أصلحي من نفسك بالتوجه إلى الله وكثرة الدعاء والعمل الصالح، ثم اعزمي أمرك وقفي بكل حزم ودعي المشاعر جانبا فهي لن تفيدك في قضيتك، يجب أن تصل الفكرة إلى عقل زوجك وهي أنه لن يسمح له بأن يتمادى أكثر من ذلك وله أن يختار ويتحمل نتائج خطأه.
وثقي بأنك أنت الرابحة مهما كانت النتيجة ، لأنك قمت بواجبك تجاه ربك وتجاه زوجك وسلمي الأمر لله وتوكلي واخبرينا عن النتائج في المستقبل بإذن الله.
أسأل الله أن يهدي زوجك ويدله على طريق التوبة وأن يبعد عنه رفقاء السوء وأن يعينه على شرار خلقه ،، اللهم آمين.
غداوي
•
مشكوووووووووورات خواااااااااااتي عالردود.... وأنا كنت بنفصل عنه في فترة العقد...بس الكل كان يقول لي أنتي تقدرين تغيرينه...وطبعا حاولت بس ماقدرت لانه يكذب علي وااااااااايد...وأنا لما جلسة عند أهلي شهر ورجعت له عأساس إنه بطل هالشيء....والمشكله أهلي دووووم يقولون لي أصبري....وأنا أبي طريقة أو عدة طرق ماأظن اللي يشرب مايقدر يبطل؟؟؟ وهو طبعا مايصلي ..مع إني دوووومي أصلي جدامه....حاولت أمنه من الطلعات بس مافي فايده....وأنا الحين جالسه عند اهلي ع أساس إنه يبطل هالشيء وقلت له برجع لك هالمره وأنا بحاول إني أساعدك عشان تتخلص من هالشيء ...وقال لي الحمدلله إنج بتساعديني وأنا محد مضيعني غير راحتي وأنانيتي.....بس قلت له وأنت ساعد عمرك وإذا ماقدرت ....بتخسرنا انا وولدك ....بس أحين أبي أسوي طريقة تساعده إنه يمتنع عن هالشيء....بس مب عارفه كيف!!!!!!!!!!!!!!!؟
الصفحة الأخيرة
الي يشرب اكيد مايصلي !!
وكيف ماعرفتوا كل هالمعلومات عنه قبل زواجك وارتباطك فيه ؟؟
تقولين ما ابي اطلق وفي نفس الوقت ماقدر استحمل
وبسببه سويتي علاقه مع رجل اجنبي !
بالله وش قدم لك هالزوج شي ايجابي في حياتك بعد زواجك فيه ؟؟؟
والامر والادهى اهله الي يخبون عليك وش ذنبك بزوج سكير والعياذ بالله
والحين عندكم ولد ماتدرين كل ماصبرتي كم بيصيرون اطفال مالهم اي ذنب :(
ماقدر اقولك اي شي غير دامك ماتبين الطلاق وبنفس الوقت ماتقدرين تستحملين
معنا كذا عليك بتوجه لواحد احد هو وحده الاعلم منا جميعا ً بحل له المصيبه الي انتي فيها!
ربي يفرج همك ويهدي زوجك قبل فوات الاوان
بس انتبهي على نفسك وعلى سمعتك إذ هو مضيع حياته لا تضيعين حياتك ومستقبلك بسبب الشيطان :11:
وبالتوفيق :26:
..
.