زوجي يشك بي

السلام عليكم
انا كنت مطلقة عمري 32 تزوجت مره ثانية بزوج يكبرني ب 28 سنة قبل 4 شهور عمره 60 سنه كنت مجبورة من اهلي بسبب انه نصيب ماراح يجي احسن منه ، بعد الزواج اكتشفت انه متزوج 3 مرات ليس مره مثل ما قال لاهلي اثناء الخطبة اول اسبوع في زواجنا بددا يشك بي اني اعرض جسدي بالبث بصوره غير لائقة واهاتف الشباب واراسلهم انصدمت حاولت افهمه انه غلطان واني لم افعل هذا الشي ببيت اهلي وانا في غرفه لوحدي افعله في بيت الزوجية قال عشان هنا تاخذين راحتك تسوين اللي تبين وتكلمين اللي تبين بس في بيت اهلك عندك خواتك في الغرفه ماتقدرين تسوين شيء حاولت تهديه الوضع لكن اصبح الوضع لا يطاق بسبب شكة المتكرر بدون دليل وبدون سبب اقوله عطني دليل اني اسوي هالشي قال لو عندي دليل ماجلستي عندي قلت طيب ليه اجل تشك فيني قال عشان انك سهرتي لحالك 3 مرات اكيد تحادثين الشباب وتعرضين لهم نفسك اجل وش تسوين في الليل يسميني شيط.ـان الليل عشاني سهرت كم مره ، ويقول لي مايشرفني انه تكونين انتي ام اطفالي واني انجب اطفال منك ، غير الالفاظ السوقيه اللي يقولها لي والبصق على وجهي ككم مره بس طفح الكيل وذهبت لاهلي لطلب الطلاق قال لي قبل ان اطلع من بيته انا راح اشك فيك ليوم الدين اهلي
وقفو ضدي مايبوني اتطلق لانه ماراح القى احسن منه لانه غني ومو مقصر معي سكن ملك يحبني بس يقول ما ارتحت معك لانك تسوين اشياء مو زينه !؟ انا تعبت منه ماارتحت معه بسبب الشك المستمر بدون دليل وبدون سبب ، صرت انام معه واقوم معه بس لازال يشك بي جوالي دايم ياخذه مني يشوف محادثات الواتس اذا كنت اكتب يحسب اني اتكلم مع احد وانا ما اتكلم الا مع اهلي ، هو متقاعد لا يخرج من البيت ابد حتى احياناً الصلوات يصليها بالبيت لا يتركني لوحدي ابداً تعبت ايضاً من هالشي لا يعطيني حريتي في بيتي مقابل وجهي 24 ساعة
بعد يريدني ان اكون بكامل مكياجي من العصر الى وقت النوم بشرتي تدمرت من اول شهر لو يوم ما احط مكياج يبصق في وجهي يقول انتي لست زوجه هذا شكل وحده متزوجه ماقصرت في لبسي ولا شكلي الحمد لله وش اسوي مع اهلي اللي رافضين طلاقي
 زياه على ذلك مقارنتي بزوجاته لدرجة يقارن في فراش الزوجية انه زوجتي هذي تسوي كذا هذي تسوي كذا هذي تفعل كذا دائم المقااااااااارنة تعبت من مقارنته بي وبهم . اشياء لا تقال يقارن بيني وبينهم