زوجي يشك فيني !

السلام عليكم و رحمة الله وبركاته
بنات حواء امنتكم انكم تحصلولي حل لمشكلتي الله يسعدكم , انا متزوجة لي كم شهر وقبل الزواج في فترة الملكه زوجي طلب انه يشوف غرفتي المهم انا عادي وريته ف رحت اكلم واحد من خواني الا رجعت و احصل زوجي ماسك دفتر لي قديم انا افكر اني رميته ذا الدفتر كان معي من ايام الثانوي وكنت كاتبه فيه عن حبي لان وقتها كنت احب ولد جيرانا تعرفون حب المراهقة و هو كان يبادلني نفس الشعور و الي قالت لي اخته المهم ذاك من وقت طويل عدت عليه كم سنه و انا اصلا نسيت ذا الشخص ولا هو ف بالي لان هو كان بيخطبني و قبلها سوا شي خلاني اكرهه و خلاني م اصدقه الا هو انه اخذ رقمي من جوالي اخته و يرسل رسايل و يتصل و انا م كنت ادري انه هو رديت عليه و لما عرفت انه هو سكرت و من بعدها طنشته و قلت ل امي انه اتصل فيني و صارحتها في كل شي لان انا م اخبي شي عن اهلي و هو اصلا اكبر مني بخمس سنوات و كنت احبه من و انا صغيرة لان تربينا مع بعض المهم انا اقولكم قصتي مع هذا الشخص عشان تحكمون و انا كنت كاتبه كل شي صار ف الدفتر ذا و زوجي لما شافه انصدددددم و انهار م اتوقع و لما قلت له اش صار وانه هذا الكلام من زمان و انا م سويت شي غلط قال انا م اتوقعت بتكوني كذا المهم صرنا نتكلم بهذا الموضوع اسبوع كامل لين ما قلي خلاص بنسى الموضوع و هذا من الماضي و من ذا الكلام و قلي سامحني لانه حتى هو مر بهذا الشي وحب وحده تقربله و قلي قصتهم و تناقشنا اننا مراح نفتح ذي الواضيع ثاني و اتفقنا الهم و يعدي شهر و نتزوج تخيلو بعد الزواج بشهرين قام يشك فيني انا عرفت لانه احنا متفقين انه م نجلس ع النت اذا كنا جالسين مع بعض انا قلت له اوك فصرت لما ينام اجلس ع الواتس او افتح اللاب توب اتابع مسلسلات او ادخل المنتدى تخيلو لما يصحى الله يكرمكم ل دورة المياة و يحصلني جالسه عليه يقولي اش جالسه تسوين ليه جالسه لحالك و انا ملاحظك لما انام تجلسين عليه اطولين انا انصدمت قلت له م في شي عادي اتفرج و احنا اصلا متفقين من بدري قال بس برضو المهم جا و نام عندي ف الصاله انا صوت المسلسل مره عالي الي اتفرجو وشفته دخل ف النومه و رحت غرفة النوم و جلست اتابع المهم صحي يطالع فيا نظرات و بعدين جا يطالع انا على نياتي اقوله اشفيك م جا ف بالي انه يشك ف قفلت و جلست معه شوي و نمت صحيت الا احصله على اللاب توب يفتش فيه من هنا عرفت انه يشك حتى الواتس م يبغاني اجلس عليه او امسك جوالي تخيلو لما افتح ع الواتس اكتب و اكون ف سيارة يقعد يطالع اش اكتب و اراسل مين ب الله ساعدوني ايش اسوي فيه كيف اتعامل معاه ؟ اكلمو في الموضوع ولا اتركه ؟ انا لمحت مره ان الشك يدمر الحياة الزوجية صار يصرف الموضوع طبعا علاقتنا باقي ما كملت السنة وربي مارزقني ب اطفال يعني اعتبر باقي عروس حتى شخصيته مره متغيره معي و اشياء كثيره انا كاتبتها عنه بس موضوع الحين ب الشك الي صاير انا مو قادرة اتعامل مع الموضوع الله يفرج هم كل وحدة تفيدني .. و اعذروني اني طولت مالي غيركم ..