زوجي يشك فيني اطلب الطلاق ؟؟ ساعدوني 💔

السلام عليكم،، اعذروني راح اطول فموضوعي لكن انا مالي غيركم لا اخوات ولا اقدر اقول لصديقاتي على الموضوع لانه حساس امانه الي يقدر يساعدني يرسل لو بدعاء ،، انا لي سنتين ونص متزوجه و ماعندي اطفال و زوجي مره يحبني و انا احبه و معتبرته كل شي ف حياتي له صفات كثيره حلو ف شخصيته يعني كريم الحمدلله بيتي ما ينقصه شي الي ف جيبه يعطيني ماعمره صدق احد تكلم فيني بسوء زي اهله الله يصلحهم ماخلو شي فيني ما قالوه لكن هو عارفني ماعمره قلي لا اي شي أبيه جابه وأهلي ساكنين ف منطقه بعيده عن المنطقه الي ساكنه فيها وقت ما ابغى اروحلهم قال يلا و الحمدلله عايشه معاه تمام بس ٦ شهور الاخيرة حسّيت انه تغير كثير من ناحيتي بدا يتكلم عن لبسي عند اخواني على الرغم انا ماشوف فيه شي بس يقولي ضيق و اروح و أغير اذا قلي وعلى هذا الحال بعدين حسّيت مشاكلي كثرت بسبب ذَا الموضوع صار اهلي لما يجوني و اخواني جالسين يدقق بكل التفاصيل ليه سويتي كذا ليه قولتي كذا ماله داعي مره سويت عشاء لاخوي وقتها كنّا راجعين من سفر احنا واخوي معانا قلي جيعان ع طول سويت له اكل و حتى ما اكله نام قبل لا يخلص حطيته ف الثلاجة واليوم الثاني زوجي يقولي انا تاكليني اكل مبيت وأخوك على طول تسوين له عشاء قلت له انت ليه تفكيرك كذا ترا اخوي لا تكبر الموضوع قال طيب وسكت وهو اصلا قبلها مسويلي سالفه عن اخوي الثاني لما جوني ومشيت الموضوع أخذته من باب الغيره وقلت مزودها حبتين لكن ذي المره انصدمت من تفكيره يعني على كل شي ،، هذا شك انا هنا قلت خلاص مراح اتحمل و بكيت وقلت له انت ما تصدقني قال هذا شايفه بعيني كيف اصدقك قلت له انت ماتحترمني ولا تثق فيني ولا تصدقني ليه جالس معاي للحين ياليت مع رجال غريب مع اخوي ي الظالم قال لو تحلفين على مصحف ما اصدقك ،، انا هنا قلت مراح أتناقش معاك انت مريض ولازم تتعالج انا مالي جلسه معاك و لميت أغراضي كلها و هو اخذ اغراضه وراح الغرفة الثانيه و قفل على نفسه وانا ابكي ، ليه انا اش سويت عشان يسوي معايا كذا متحمله اشياء كثيره من ناحيت سوء الظن فيني وأعديها لكن هنا كرامتي خلاص ما تسمحلي كلمت ابوي بعدها بيومين جاني لان هو بمنطقه ثانيه قال لأبوي لو راحت من البيت راح ارسلها ورقتها ي بنات والله ابكي كيف هانت عليه يقولها كأني غلطانه ابوي قلي ما ترجعيله إنسان يشك فيك كيف استامنك معه ،، لكن انا احبه قبل السالفه هاذي صارت سالفه ورحت بيت أهلي وجلست عندهم اسبوعين وكان بس يدق ويرسل ويعتذر وجاني ف بيت اهلي يترجا ابوي ارجع و ماخلا شي ماسواه وعدني الي سواه مراح يصير وفعلا للحين على وعده لانه حس انه مايقدر يعيش بدوني ولا يتحمل فرقاي هذا كلامه و الحين الموضوع هذا له اربع ايام وانا لي يومين عند اهلي لا اكل ولا انام بس افكر فيه وأفكر ف أيامنا الي مع بعض اشتقت له حيل بس موبيدي شي حصلته داق عليا و جوالي مقفل كان و حتى لو اتصل مراح ارد عليه امانه ساعدوني انا احبه و ابغاه هل ممكن يتغير و مين الي زوجها كان يشك فيها وتغير مع الوقت وعرفها على حقيقتها هو مافيه شي كل شي فيه عاجبني بس الشك ،، اهلي مايبغوني ارجعله وانا ابغاه بس اقول امكن يحس بغلطه ويرجع لكن ابوي يقول الحين تفاهمي مو معاه مع ابوه يجي وبتفاهم معاي اذا يبغى غير كذا لا تكلميني ،، معناته راح يكبر الموضوع ، ساعدوني ايش اسوي الله يفرج همكم ، كثير تعبانه ،، وأسفه طولت عليكم حتى كلامي مو مرتب بس اتمنى فهمتم ..💔💔💔💔