زوجي يضربني امام الخادمه و؟؟؟؟؟؟؟

لاحول ولاقوة الا بالله العل العظيم
هذا الانسان مريض ,, ومايجوز الواحد يعيش معاه
مدري بس أنا برأي لازم تكلم احد من اخوانها يتدخلوا
او اي احد من عائلتها
لازم تشتكي عليه
ولازم يعرف حدوده
المفروض بطريقة او اخرى تخليه يكتب تعهد انه مايضربها ولا يهينها
فليس هذا ما اوصى رسولنا الكريم بالنساء
حسبي الله ونعم الوكيل عليه

الصراحة هذا الريال ماينعاش وياه حتى لحظة وحدة وين ولي امرها من بعد ابوها الله يرحمة خلها تكلمة واتقوله عن اسويا ريلها لازم هذا الريال يتوقف عند حدة اظاهر ان ريلها مايصلي ولا يذكر ربه علشان جذة مافي قلبة رحمة لام اعياله المهم الحين ادورلها وقت مناسب وبكل هدوء تتفاهم وياه على هذا التصرف واتفهمه واتعقله وقوليلها خليها تصبر وتدعي رب العالمين في اخر الليل له بالهدايه والله انها مقطعه افادي الصراحة واذا ماشي فايدة تصرف اتروح مكتب الشؤون الاسرية علشان ايدورن لها حل وصدقيني البنات بعد الي في المنتدى مابيقصرون ..
الله يهدي ريلها ان شا الله والله اني اتمنى لها كل خير المسكبنة..

غاليتي جزاك الله خيرا لاهتمامك بصديقتك...........أوصيها بصلاة الليل بأن تقوم وقد استلذت النوم ولكنه سستتركه لمناجاة رب العالمين .........فكل ليلة تقوم وتصلي وتلح بالدعاء وتبكي وتشكي لرب العالمين فتدعوا لزوجها بالهداية ......وتسمر حتى آذان الفجر بالصلاة وقراءة القرآن........فكلبما قوت علاقتها بربها كلما أحست براحة عجيبة وهانت مصيبتها وهي مبتلاها بهذا الزوج أعانها الله تعالى ووفقها ...........ولتتحبب لزوجها بالهدايا وترسل لها رساله مؤثرة تخبره فيها أنها تنوي اسعاده وفتح صفحة جديدة لحياة سعيدة ...وتدعوه للرد برسالة منه عماذا يريد منها ومالذي يغضبه لتتركه ومالذي يحبه لتفعله ..........
والمنتدى ملئ بالأفكار التي تجذب الزوج ..وفقنا الله جميعا

هلا جوريه
مسكينه والله صديقتك كان الله في عونها واصلح حالها
حالتها حاله
بس ودي اسالج
هيه من متى وهوه يتعامل معاها بهالطريقه ؟؟؟
هل هوه ملتزم بصلاته ودينه؟؟؟
بعدين هيه شو يكون ردة فعلها دايما لمن يسوي معاها جيه يعني هلل ترد عليه ام تهمله ام ماذا ....
فبعض الازواج التطنيش يفيد معاه وبعضهم العين الحمره وطولة اللسان وانا ما اعرف زوج صديقتك من اي نوع
بس في النهايه ....... في حل واحد انها تقوي صلتها بربها وترتمي امام بابه وترجوا عفوه ورحمته
وصدقيني وحده رب العالمين بيده تغيير القلوب والاحوال
وتصبر وتشوف كيف راح يصير بحاله
على طول تقرأ صورة البقرة والقران وترقي نفسها اذا قدرت
كل هالامور انشالله تكون امور عارضه وتمشي مع الزمن فاحيانا الانسان يمر بأزمات في حياته ويمكن يكون زوجها مب مرتاح بره فشغله او مع اصدقائه ويطلع حرته في مرته وعياله
واذا كان يكرها ومالها اهل يصدونه ويوقفونه عند حده .... فما لها رب العالمين نصير المستضعفين .. دام مستصغرنها وكارهنها الله حسيبه خل تقرا على عمرها وتدعي كل يوم بسم الله اللذي لا يضر مع اسمه شي في السما والارض وهوه السميع العليم " كل الوقت وخاصه لو عرفت انه ياي بيضرها
والله كانها تتكلم عن زوجي السابق ... الله حسيبه كان يكرهني ويغار مني وووو .... حتى يوم طلبت الطلاق من الحقد ما يبي يطلق وذليته بالاخير مثل ما ذلني بالاول ... وربج فوق والله ما يضرب بعصى كله مرده له وبيي اليوم اللي رب العالمين يجازيه على اللي سواه فيها...
خلها توكل امرها لله وربنا كريم

مالها الا الصبر والدعاء
واذا قدرت تقنع أحد من أخوانها يأخذون حقها والا يقنعون أهله تحاول
مع اني للاسف ماني متفائلة بفزعتهم مثل ما قلت انت كل لاهي ومايبي المشاكل