زوجي يطلب انه يطلقني ..............

حبيباتي السلام عليكم

ان الله سبحانه وتعالى اذا ابتلى عبد ينظر اليه ويرى مدى صبره واحتسابه اللهم اجعلني ممن يحتسبون لامرك ويصبرون على قضاءك وقدرك ........
اليوم يا اخواتي زوجي قالي انه يبي يعرس ............
طبعا انا مااتفاجات لاني كنت عارفه ان هاليوم لازم يجي وانا لي ثمان سنين ماقدرت اجيبله اطفال
وكانت ردة فعلي بااااااااارده سبحان الله العظيم .......
بس المفاجأه كانت ...
انه يبي يطلقني وعذره انه مايقدر يفتح بيتين وانه مايقدر يعدل طبعا يخفي انانيته المفرطه بهالاعذار
وهانت عليه العشره ..........
والله يااخواتي اني حزينه على نفسي ومنكسر خاطري وماكنت اتوقع اني اهون شي في حياته وبكل برود يقولي يمكن تلاقين واحد احسن ..........
نسا الليالي الي مايكون نايم جنبي ماتنام عيني
نسا لاغاب عني صوته وهمسه قلقي عليه وخوفي
نسا اني مااقدر احط اللقمه بفمي لين اتاكد انه شبعان
نسا صبري على جروحه
نسا اني ساعدته وقفت معه في كل ظروفه
نسا ان كل العالم يشهدلي وش كثر هو يسوا عيوني وروحي
نسا اني احبه حب يتملك كل وجودي
نسا انه هواي وماي واكلي والنور الي بعيوني
نسا انه فرحت قلبي وكل اعيادي
والله يااخواتي عزت علي نفسي وعز علي هوانها وفعلا حسسني ان كل الحب الي عطاني هو كذب واوهام ........
انا مامنعته من الزواج لاني مااحب اشوف حزنه وشوقه للاطفال
لكن فعلا هو باع برخيص وانا ماكنت متوقعه ولاحاطه هالشي بالحسبان ......
بس الحمد لله على كل شي
انا عارفه اني ضيقت صدوركم بحالي بس مالي الا انتم بعد الله اشتكيلكم همي