السلام عليكم ورحمة الله وبركاته
انتشر في الاوان الاخيره دعوات لعدم طاعة الزوج والقيام بالغسيل والكوي والتنظيف والطبخ بحجة انها مهيب واجبات (عندي احساس انها رفاله وعجز مهيب اكثر :dry:)
واقولكم صح مهوب واجب عليك هالامور
لكن ايضا تعرفين وشو واجب على زوجك ؟
واجب عليه يكسيك يعني لو يروح لاقرب فرع للهرم لحاله او زي ما كانو يسوون اجدادنا يومنه عيب تطلع الحرمه
ويشتري لك على ذوقه وبارخص الاسعار كم طقم داخلي وكم طقم خارجي او يقص لك قماش ويدخله
هنا نقول تراه كساك :a_smil08: لبسك وانتهى واجبه لك
واذا جاب لك اللي يغنيك من الاكل ورماه بالثلاجه مهوب لازم مما لذ وطاب ومهوب لازم حلويات وانواع الكوفي اللي يكفيك من الاكل يعني اكلك وانتهى واجبه كزوج
وترا مهوب واجب عليه يمشيك ويركبك السياره ويطلعك للسوق الفلاني والا الحديقه العلانيه او يسافر بك او حتى يعتمر بك او يطلعك تشترين لعيالك يقدر يمر الهرم ويخم لهم ويجيب اللي يحسه مناسب وهذا هو كساهم
وترا مهوب واجب عليه يوافق ترتزين في كل زواج وتشترين الاحسن :09:
ومهوب واجب عليه يشتري هدايا لفلان وعلان من اقاربك اللي تخرج واللي تزوج واللي جاي من سفر واللي توه ساكن جديد تراه هذي مهيب واجباته هذا تكرما منه وحسن معشر
و.... و ..... و......
لو الوحده مننا جلست بدون مخ مقفل وبس ترديد حكي كان عرفت ان اغلب اللي يسويه الزوج مهوب واجب عليه ابدا لكنه يسويه تكرما وحسن عشره
ما اقول انكم يوميا تدوجون لكنهم ايضا فيهم خير
البقالات
ترا كسوة الشتاء واجبه عليه وكسوة الصيف واذا تقطع يجيب لك غيرها ماله داعي شوز مع كل لون يكفي جزمه وحده تحمي رجولك :34:
ايه عارفه بتقولون تمجد الرجال وووو
لا حبيباتي انا مع الحق
يجي الرجال تافل العافيه كرف وحر وتعب ويبي هدمه نظيفه
بيت مرتب
اكل مسوى من غير منه
يشوفها نايمه للعصر وبس تقوم تشرب كوب كوفي ويالله وين المشاوير :09:
ترا يقدر يطلع ويقول بالطقاق اللي يطقك انا بطلع للاستراحه وياكثر الرجال اللي كذا اللي لاتشوف منه هدمه الا من عيد لعيد ولا تطلع وكل يومها معاه يسب ويشتم ويطلع ويسكر الباب وينساهم
اللي بوصل له لا تخربون حياتكم بشعارات وخرابيط زي مهوب واجب علي وليه يأمرني !
هذي من الموده والرحمه بينكم وتبادل المصالح حتى الدول العضمى بينهم تبادل مصالح :34:
ترا والله مهوب ضارك وعيب اصلا والله تقولونها مدري وشلون تطلع منكم اتخيل حاطه يدها على خصرها وتوها ما غسلت وجهها اللي منتفخ من النوم والشوشه طايره وتقول :" والله حبيبي اسمح لي هذي مهيب واجباتي ولا مفروض علي " الف فيس هنا :29:
كيف تطلع منكم وتتوقعون بينكم موده وتتوقعون منهم افضل تعامل بيجي يوم يقولك : " والله انا منيب سواق عندك ولا واجب علي اوديك مشاويرك مالك الا روحة اهلك كل اسبوعين مره وغيره لا واحمدي ربك " وش بتقولين ؟
بتقولين واجب عليك !
بيقول لا
يوم تطلبين شيبس وميريندا وطلبات الصوص حقات السهره يقولك معليش هال35 ريال منيب صارفها عليك تفيديني في البنزين او في الغداء اللي تعيين تطبخينه اشتري لي فيها او اغسل فيها ثيابي !
لو طلبتي شوكلاتات وكوفي وقالك منيب ملزوم فيك اهم شي تاكلين وتشربين هذا الدجاج في الفريزر والثلاجه مليانه اذا جعتي اطبخي وكلي منيب ملزوم اجيب لك خرابيط
لو طلبتي فستان عيد ب300 ريال وعطر وقلوس ووجزمه وقالك منيب ملزوم فيك اجيب لك بهالاسعار ووداك للهرم وخذ لك ب100 ومايحتاج عطر عندك عطور ولا قلوس ما يحتاج
بنات اللي بوصله كل حياة وكل زوجين يسوون امور تكرما منهم ولاهي واجبه عليهم
فخلوكم من سالفه مهوب واجب علي ومنيب شغاله
قسم خويتي قالتها لزوجها مره
ماعاد سوى لها شي وكلما طلبت منه طلب قال منيب سواق عند جايبتني بكفاله انا حر وولد حموله تبين شي دقي على اخوانك انا بس ملزوم اوديك اذا مرضتي او زيارة اهلك وغيره منيب ملزوم ولانيب سواق :dry:
فلاتخربون حياتكم بكلام قوي تنسونه وهو يعلق بقلب الرجال طول العمر