زوجي يعاملني على اني واحد من الشباب ..

هلا كيفكم يالربع >>>> تعادت من زوجها ..

اقصد كيفكم يابنوتات ..ان شاء الله كويسات وطيبات وكيف ابو الشنبات معاكم يامتزوجات ...

سمعوا يابنات ...انا بنوته طيوبه واموره .. ومزيونه ....يعني بنوته حقيقيه ..مالي علاقه بالاولاد ..

وزوجي ياحظي ....يتعامل معاي كاني واحد من الربع :arb:....لاحول ولاقوة الابالله ..

تخيلوا كيف يمزح معي ...بس لاحد يضحك يالله سكروا حلوجكم .. :D

مزحه يرمي علي خداديه على وجهي ..وانا ياي اصارخ ..وهو يرتاع يقول اشدعوه ماتعور انا امزح معاج ...

او ان اذا شافني امشي ..يحط رجله على شان اطيح:booo: .قلت لكم لاحد يضحك ..

او اذا جا بينادي .. ...واحنا بمكان عام ...يقول هيه ..ياربي وين الذرابه ..

لا واحنا بننقل اغراض غرفه الى غرفه ثانيه ..انا شلت بعض الاغراض مساعده معاه وخليت الاشياء الثقيله ..لاني

مااقدر اشيله ..ويوم قلت له يقول كذابه تتدلعين ..اشدعوه ثقيله .....بس من الدلع ..وانا اقول احسن خل شغالتكم تشيله لك ...


واذا اتصلت عليه تيلفون وهوا مع الشباب ,,, ياليت تشوفون انواع الارتباك ..ويكبر صوته ..ويعمل حاله رجال عليّ.ويكلمني بجفاف ...ماتقولون يكلم زوجته ..
هذا في اشياء افضع استحي اقولها .....وانا اقوله ليش انت كل طريقتك معاي كذا يقول انتي اصلا تتدلعين وانا مااحب الدلع ....انا اقوله هذا مودلع البنت طبيعتها غير الولد ..وكل البنات مثلي ...مايصدق ...

كيف ادلع وانا متزوجه من 7 سنوات وعندي طفلين ...وعمري 26 سنه ...اصلا الدلع مو مناسب للام كثير ...



اهوا على فكره يحبني ...ومو مقصر علي بشيئ ..من طلعات وتمشيه واسواق وسفرات ..بس مع كل هذا خشن في المعامله ....يعني مايعاملني على اني بنت في اشياء ماتناسبني ....:44:وانا ابي يغير من طبعه واقنعه انو البنت طبيعتها غير الشاب ....
ماادري فهمتوا علي ....
ملاحظه زوجي ماعنده خوات واخوانه الشباب اصغر منه ...