بنات زوجي مايودي ولا يجيب ولاحظت اذا طلبت منه مشوار
يستثقله ويطنقر بعدين هو من يصحى ياكل ويروح مع اصحابه بس يجي
وقت النوم واذا جاء مايطالع فيني ولا يهرج معي
رغم اني هاديه ماني انفعالية واعلي صوتي هو كان ينتقدني باشياء
وانا ارد عليه انا واثقه من نفسي وهو فيه عيوب الدنيا
ماعنده شغل واغلب مطبخي فاضي لان يجيب اشياء حقت يومين وتخلص
امس قبل ينام سويت له غداه رز ساده وانا ماكل رز ساده معي قالون
وقلتله ابي خبز اغراض من البقاله قال بنام شوي صحيني وهو من النوع نومه ثقيل
ماصحيته عارفه نومه مايصحى وبنتي طفشتني جوعانه ماتبي رز ساده
ورحت قبل الفجر صحيته وقال اعجني وسويلي قرص انا اكل القرص بس مع القالون ماقدر
يعورني اي شيء به زيت وسويتله هو وبنته
طبعا انا من صحيته وقام قاعد ع الجوال قالي وهو معصب الصباح بوديك اهلك خذي كل اغراضك
يغدونك من المطاعم طبعا انا ماجبت طاري المطاعم ونادر اكل المطاعم بس دايم اذا طلبت مطاعم يكون ناقصه علي اغراض بالمطبخ
والصبح راح جاب اشياء محدوده ماسألني وش تبين راح جاب من راسه اشياء مالها داعي
هو من تزوجته كذا مايسألني يروح يجيب الي هو يحب وبس
بصراحه مقهورة من اسلوبه معايا ليتني ماتزوجت كنت مرتاح بالي قبل اتزوج
وش رايكم كيف اتعامل معه لعلمكم اذا جيت اهرج معه يتعمد مايطالعني
بس والله اني كرهته من طبعه هذا

Tarf🎍 @tarf_4
عضوة فعالة
يلزم عليك تسجيل الدخول أولًا لكتابة تعليق.


moono
•
زوجك مافيه خير ولا انصلح حاله من تزوجتي وهو عاطل عن العمل وحضرته مايبي اي وظيفه ..الله يعينك ويصبرك ويرزقك ويغنيك عنه واذا وظيفة الحرم متاحه خذيها ودبري امورك انا متابعه قديمه واعرف مواضيعك من معرفك القديم


الصفحة الأخيرة
اللهم صلّ وسلّم وبارك على نبينا محمد
سبحان الله ، الحمد لله ، لا إله إلا الله ، الله أكبر
أستغفر الله الذي لا إله إلا هو الحيّ القيوم وأتوب إليه
اللهم لك الحمد ولك الشكر ولك الثناء الحسن
لاحول ولاقوّة إلا بالله العليّ العظيم