السلام عليكم
كيفكم بنات...
بنات بقولكم مشكلتي يمكن القى حل او دعوه تبرد على قلبي
انا متزوجه لي ثلاث سنوات ونص تقريبا..بعد زواجي ب6 شهور فتحت جوال زوجي ودخلت الواتساب وانا احوس بالواتس ارسل واحد من اخوياه : هلا فلان وش مقومك بدري..شكلك تفكر باهل البحرين...
انا ارسلتله ايه افكر فيهم..وهذاك متحمس يسولف عنهم وانا مسلكه له ابي اعرف امثر عنهم..المهم خلصت محادثه ورحت جهزت شنطتي واغراضي..وقام زوجي لقى الدتيا قايمه قاعده..وسويتله مناحه ورحت لاهلي..
اسبوعين يحاول يرجعني وابوي رافض وانا كارهته بعدها الحمدلله رجعنا لبعض وصفت النفوس وسامحته
بعدها ب 3 شهور وحده من صديقاتي متزوجه وجتني كانت منهاره من زوجها تبكي وجايبه معها جوال تبي تمسك دليل على زوجها عشان اهلها يصدقونها المهم قامت تترجاني اكلمه قالت بس ابيه يتاكد ان صاحب الرقم بنت عشان تتواصل معه بالرسايل المهم سمعته صوتي وقفلت..وراحت..
بعد فتره جتني ونست هالجوال عندي انا خفت وتوهقت مدري وش اسوي قالت خليه معك لين اجي اخذه.. وزوجي كان مستلم..ودقت علي قالت افتحيه وارسلي كذا وكذا.وسويت نفس ماتبي وكنت دايخه فيني النوم وحطيته تحت المخده ونمت وقمت الظهر ورحت للمطيخ وزوجي جا الصبح ونام وشوي وانا بالمطبخ الا زوجي داخل علي والجوال بيده وقام يهاوش ويصارخ ويضربني وكسر الجوال وجوالي..وماعطاني فرصه اشرح له...وقعدت اسبوع مايكلمني ولاشي...وبعدها فهمته الحقيقه وقال انه مصدقني ومدري وش..وتوقعته نسى السالفه وصدقني
بس يابنات اليوم اول ماقمت وهو معصب علي وينافخ لين نرفزني وتهاوشنا وقال روحي يا ام الجوالات احمدي ربك سترت عليك ومدري وش كلام كثير ويجرح وطلع وخلاني......
بنات انا عيوني تورمت من الصياح لاني مظلومه
افكر اروح لاهلي واعلمهم السالفه لاني متاكده ان ابوي واخواني بيصدقوني ابيه يعرف اني صادقه واني مظلومه
ابي وحده حكيمه تقول لي اروح لاهلي والا ايش اسوي بالضبط...
( ملاحظه،، انا متاكده ان اهلي بيوقفون معي)
يلزم عليك تسجيل الدخول أولًا لكتابة تعليق.
الي سويتهةغلط المفروض ماتسويه بس الشي فات
الحين المفروض ذي الي ساعدتيها تجي هي تثبت الشي وان الجوال لها وخلي زوجك يتأكد بنفسه ان الخط لها وبأسمها
الله يفرج همك
الحين المفروض ذي الي ساعدتيها تجي هي تثبت الشي وان الجوال لها وخلي زوجك يتأكد بنفسه ان الخط لها وبأسمها
الله يفرج همك
smomo
•
اختي الله يكون بعونك شوفي الرجال ماينسى ابد تنا صارت لي قصه تشابه قصتك وتزوجت ومافي يعايرني بصراحه كرهته ...ومقرره مارجع له اتعبني
بنات انا ادري اني غلطانه..بس هو مفكر الجوال لي والكلام اللي قراه يحسبه لي وانا يشهد علي الله بريئه من هذا كله..وانا فهمته اول وقلتله وحلفتله وكلمت صديقتي قدامه وتوقعت اته صدقني وانتهى كل شي..بس الحين رجع يتذكر...طيب انا كشفته وكشفت بلاويه وسامحته ولاعاد جبت طاري للموضوع ليش هو لا
الصفحة الأخيرة
اكتبي له بورقه كل اللي بخاطرج عشان يصدق وثاني مره انتبهي يمكن وحده تكون حاقده عليج وتورطج والله يسخركم لبعض ويصلح كل اموركم