موضوعي للفضفضه لا اكثر احس اني مكبوته ودي افضفض وقلت مافيه احسن منكم وخصوصا إنه محد يعرفني هنا ..ومبغى اتكلم عن زوجي عند احد اعرفه ...ماحب اتكلم عنه عند الناس ...قبل مانخطب كنا نعرف ونسمع عنه إنه يعزف على العود بمهاره ومشهور عند قرايبنا وكثير ناس يعرفونه ... ويوم خطبني قالوا اهلي واخواني إنه اخلاقه كويسه وحتى العود كسره ... وكل الالات اللي عنده كسرها ...
واستخرت وارتحت والحمدلله ماندمت ... اخلاقه عاديه صح لاعصب مايخلي احد مايسب فيه بس يرجع يحن ويندم ... ومايحب يتكلم على الناس ابدا ولا يحب يسمع اي حش بالناس ..حساس جدا بهدي النقطه لدرجه لو اجيب له سيرة وحده لو اني محزنه على حالها ... يقول لاتكلمين عليها ... خلاص استري عليها ...مع اني ماأغتاب فيها ابدا
ويحب الموسيقى لدرجه فضيعه ..احيانا كان يعزف ع العود مع اصحابه ومع اخوي ..بس ماكان عنده عود ولا يجيبه للبيت ...
طبعا احنا ضروفنا الماديه من سييئ إلى اسوء ... وعجزت انا ادور معه حلول ...
الحين بعد اكثر من ثلاث سنوات زواج صار يجيب الالات موسيقيه من عند أخوياه للبيت صار مجلسي كله الالات موسيقيه ... سماعات وميكرفونات وعود وكمان وطبول وأورق ويجلس عليها احيانا اوقات طويله لدرجه اطق طفش واضطر اروح اجلس معه ويفرح ادا جيت ويوريني كيف هو شاطر بالعزف ..ويقعد يمدح بنفسه ..واقوله إنا احب اجلس معك واتفرج بس احس قلبي يعورني إذا سمعت ماحس براحه ابدا ..انت كيف ترتاح يوم تجلس عليها ساعات طويله ...
يقول عادي جدا بالعكس استمتع واعيش جو ثاني ... وان شاءالله عن قريب تشوفيني افضل عازف اورق بالمدينه اللي انا فيها قلت اعوذ بالله لا مو إن شاءالله ... حرام عليك ..
قال قولي ان شاءالله قلت لا مو ان شاءالله .... انقهر علي ...
ماعلي منه ...
كنت اقوله لاتجيبها فبيتي وكنت اقول لاخوي لاتجيب العود عنده ...بس ذحين صابني برود صرت ماتكلم بس احس بالم والله وقلبي يعورني لاشفتها ...
والله يقهرني اني ظروفنا الماديه من اسوء مايكون ..واحسه كله بسبب هالموسيقى ...وهو عشقه للموسيقى يسري بدمه على قوله ...ومايحس انه مسوي شي غلط عادي عنده
مدري وش اقول صراحه ..بس حبيت افضفض... اللي عندها كلمه تبي تقولها او نصيحه او قصه و حاله مثل حالتي ...اترك الميكرفون لها
يلزم عليك تسجيل الدخول أولًا لكتابة تعليق.
الله يهديه مره ازعاج الموسيقى وفوق كذا ماتحسين براحه تحسين انك مذنبه طول الوقت كيف يصلي الواحد ويقرا قران والبيت مليان موسيقى كذا والله جو مو مريييح للعباده اسال الله ان يهديه ويعينك
اتوقع اكبر تجمع للشياطيين كان في بيتك خخخ ياحظكاتوقع اكبر تجمع للشياطيين كان في بيتك خخخ ياحظك
تبين تعرفين مين ينطبق عليها كلمة (ناقصة عقل ودين)
شوفي اول رد وتعرفييين خخخ
شوفي اول رد وتعرفييين خخخ
حبوبه
فيه مواصفات تغلب ع اطباعه السيئة
هذى غريزة فيه وموهبه
ما قولك حاربيه
عطيه اهتمام انك تسمعيه وامدحيه حتى مايروح لغيرك وتشجعه بسبب تجاهلك ل اهتماماته :)
وبنفس الوقت اتخذي اوقات مناسبه انك تنصحيه ويخفف منها حتى الملائكة تحف بيتكم
لا تنسي الاستغفار والدعاء له هذا الحل المناسب
مثل ماقلبه تعلق بالموسيقى ربي قادر يحول قلبه
يامقلب القلوب ثبت قلبه ع دينك وحببه فيما تحبه وترضاه
دايم ادعي كذا حتى بنص الليل
فيه مواصفات تغلب ع اطباعه السيئة
هذى غريزة فيه وموهبه
ما قولك حاربيه
عطيه اهتمام انك تسمعيه وامدحيه حتى مايروح لغيرك وتشجعه بسبب تجاهلك ل اهتماماته :)
وبنفس الوقت اتخذي اوقات مناسبه انك تنصحيه ويخفف منها حتى الملائكة تحف بيتكم
لا تنسي الاستغفار والدعاء له هذا الحل المناسب
مثل ماقلبه تعلق بالموسيقى ربي قادر يحول قلبه
يامقلب القلوب ثبت قلبه ع دينك وحببه فيما تحبه وترضاه
دايم ادعي كذا حتى بنص الليل
الصفحة الأخيرة
يا بختك فيه ، اللي يحبوا الموسيقى والعزف يكونوا حساسين وراقيين
شجعيه وخليه يعلمك ^_^