:26:

حبيبتي اشغلي زوجك بالكلام

اعرف كثير من الازواج يمدحون زوجاتهم وهم عادي
يعني مستحيل الوحده تقوم بواجباتها كزوجة وكأم وترتيب منزل وتنظيفه

كثير من هؤلاء الازواج اذا جاو والبيت مكركب شوي يبدأ يعلق اذا شافه جالسه وتسولفين معاه..

يعني انه مو هامك البيت .. مع انك مقدره قعدتك مخليه التنظيف لما يطلع..

اذا كان زوجك من هالنوعيه ..
اول ماتشوفينه جاي روحي سوي لك شغله بالبيت

وكمان مواعين المطبخ اول ماتخلصون غداء لاتسوين شاهي وتقعدين معاه الا لما تخلصين مواعينك

واذا قال ليش يافلانه قولي مقدر ماااقدر هذا طبعي

وخليك على هالموال شهر وسنه بعد احسن واحسن

يبداأ خلاص ياخذ عنك فكره انك نظيفه ولا تتحملين القذارة

هم الرجال مجرد فكره .. ياخذها عنك وانتهى الموضوع



وكمان الكلام اذا جلستي معاه يوهـ تعبت من البيت شغله كثير ولا اتحمل
بس مقدر وش اسوي احب النظافه
وانتي صادقه وماكذبتي

بس مثل ماقلت لك الدعوه يبغالها اعلانات ودعايات وان شاء الله تنحل ازمة التعليقات .. :)



اما اذا كنتي تبغين فعلا تقومين بكل بيتك على بشكل جيد
لازم تسووين جدول وتعليقنه ممكن على الثلاجه مثلا


اشياء شهريه اشياء اسبوعيه اشياء يوميه
اشياء مرتين بالاسبوع

وحطي لها وقت واثقه انك بتقومين فيها بهالوقت ..

وكمان الرياضه ترى تنشط الجسم ..
الاحظ انه (على ماقلت وحده قبلي )في شهر رمضان كنت اسوي رياضه عشان الكرش
وفعلاً كنت اذا سويتها وبعض الاحيان اكون توني قايمه من النوم
يروق بالي وانتشط حتى لو صايمه

واذا مسويتها اظل معكره ونفسيتي مهب زينه ..



فيه حركه ممكن تحسسه بالنظافه المستمره بالحمام -اعزك الله-
تعرفين الفراشه اللي بعلبه حق المرحاض الله يعزك
حطي فيها كلوركس مع اي منطف ريحته حلوه عندك
وبعد الاستخدام افركي فيه ..
استخدامك انتي طبعاً
يعني بحيث في اليوم تكونين مسويه هالحركه مره وحده مو لازم كثير

وكمان خلي علبه ديتول صغيره تحت المرحاض وصبي شوي منها فيه عقب التنظيف بتطلع ريحة الحمام روعه
كانك توك غاسلته..
خصوصا اذا طفيتي الهوايه..وصكيتي الباب راح تتركز الريحه



دعواتك لي وموفقه..

الله يعيني وياك على الاشغال اللي ماتنتهي
ويكتب لنا الاجر

قومي بدري .. البكور فيها بركة

ونصايح الأخوات الله يوفقهم كلها ذهبية ، وشوري عليك ما تصلين ولا مرة الا وتدعين ربك

وانتي ساجدة انه يعينك على قضاء اشغالك بسهولة ويشرح لك صدرك في بيتك يجعل

شغلك من أحب الأعمال لك ، وأصري في دعائك وصلي على النبي بآخر الدعاء

واستمري بالدعاء حتى لو زانت اوضاعك عشان مايرجع وضعك

مثل أول ...... الله يسهل أمرك اينما كنتي

أميييييييييييييييييين