زوجي يغازل

:(السلام عليكم


ابدخل بالموضوع عى طول انا متزوجه لي خمس سنين ولي بنت وحده بس والحين حامل الله يقومني بالسلامه

السالفه اني العام مثل هالوقت شكيت بزوجي انه يغازل وفعلا طحت عليه يكلم وعلى طول سكر الجوال وراح للحمام وانتم بكرامه وفتحت الجوال صار رقم من دول افريقيا وتغير بقوه معي للافضل مادري ليه المهم حسيت اني انا مقصره معاه وبديت اهتم فيه مثل اول وانا صرت مااراقبه
مرت سنه على السالفه وحملت وتعبت بالوحام والحمل
المهم زوجي ذكي مو بالسهل ينصاد طحت فيه قبل يومين موديني لسوق وهو جالس ينتظرني بالسياره ويكلم بالتلفون يوم شافني سكر على طول وسوى نفسه مايكلم فتحت الباب اللي ورى عشان بنتي تركب وانا اشوفه يدخل على المكالمات ويمسح الرقم يوم سالته من تكلم انكر انه اصلا يكلم وجلس يجيبلي اعذار مالها داعي وتلخبط وصار طول الطريق يقول اشياء مالها داعي بس يبي يلطف الجو انا بان علي اني تضايقت وامس بالليل جلسنا ناظر الفلم يوم خلص قلنا خل ننتظر يااذن الفجر انا ماتحملت غفيت على الكنبه تنبهت وهو موموجود رحت للغرفه لقيته يظغط بالجوال يوم شافني جدعه جنبه وبين انه عادي ماهمه بس وجهه والله تغير هذا اللي زاد شكي فيه واليوم يعاملني مثل الملكه وزوجي مو هذا طبعه بالعكس كان دايم معصب ونفسه شينه


ابي رايكم اكلمه واقوله عن اللي بقلبي اووش اسوي


مع العلم اني يتيمه ابوي متوفي ومالي اخوان اكلمهم بالموضوع وامي متزوجه واحد مدينته غير مدينتنا
قسم احس الدنيا ضايقه فيني وماعندي احد اتكلم معه