انا من رايي قولي له ان الشغاله شكت لي ان فيها مرض جلدي معدي وخطير اوو اي مرض وانك خايفه انها تعديكم او تعدي عيالك
والله يسخر لك زوجك

لاحول ولاقوة الابالله والله شي يقهر من جد

أختي الكريمة الشغالة بشر اولا .....امراة
لاداعي لأحتقارها كشغالة ....وانما احتقار الخلق الدنيء بها ....اقترح عليك يا اختي اذا ذهبتي لبيت حماتك ان تتصلي اولا وتطلبي من حماتك ان تدخل الشغالة المطبخ او غرفتها وتغلق الباب لحين مرور زوجك .....ولابد من ان تخبري حماتك انك لا ترتاحين لهذا الوضع الحل ان تتحجب هذه العاملة عن الرجال ....هل رايتن يا اخواتي اهمية الحجاب وستر الوجه وعدم الأختلاط و خفض الصوت ؟؟؟
هل ننتظر حتى تحصل مثل هذه المشاكل لنقول للناس تحجبوا !!! ام ان الله من البداية اراد لنا الخير في كتابه وسنة نبيه عليه السلام !! على الأقل تقل مثل هذه الأمور التي تقهر وتدمر نفسيات وبيوت وما اكثرها

والله ياسماء العشق تصرفك اعجبني لما طردتيها
المفروض الحرمه تكون حاسمه بهالامور الكلام والشكوى للغير مايجيب نتيجه

وأخيييييييييييييييييييييييييييييييييييييييييييييييراً لقيت الحل ولله الحمد
وهو من أول يوم رديتو عليّ وعطيتوني آرأكم
سويت مثل ماقالو لي البنات في المنتداء

شوفو وش سويت

قريت سورة البقره وشغلة شريط سورة البقره في المسجله طول الوقت
وكثرة الإستغفار والتسبيح لحد ماربي هداني

وكان زوجي يطلع ويدخل زعلان

المهم إني أرسلت الأولاد والشغاله لأمي وقلت لأمي السبب وهو إنه زوجي بيجيب عمال للبيت الصباح وماقدر أخليهم لحالهم ,,,,,,,,

وفي الليل لما رجع زوجي ناديته وقلت له : شف ياولد الناس أنا شاريتك وإلا الآن ماشتكيت ولا قلت لأحد شي بس إذا أثبت لي إنه مابينك أنت والكلبه شي ترى بحق

قال إش تبيني أسوي قلتله ببساطه إحلف لي على القرآن بانه مابينكم شي وبصدقك على طول وبسامحك وباعتذر منك,, ولاّ ترى والله ثم والله إني باطلع من هذا الباب ولاني براجعه أبداً

وباقول كل شي لأهلي ,,,وخل أبوك يجي يسألني وبقوله الموضوع كاااامل وماراح أستحي...

وبصراااااااااااااااحه يابنات جاوبني وحلف على المصحف وقال لي إنها هي تستعرض بس
ومابيني وبينها شي أبداً , ومافكرة إني أجي شغاله وأضيع آخرتي بسببها

وسألته عن حركتها والبوسه,,,,,,,, قال يوم ترفع الثوم أنا أصلاً مانتبهت وانا كنت جاي للسياره علشان كنت باطلع أجيب أغراض لعشاكم.

والبوسه ماكانت بوسه كنت أسوي لك حركات من ورى ظهرك وأستهبل بس أنتي إلتفتي وأنا صديت بوجهي وجاءصدفه على المطبخ و أنتي ظنيتي إنها بوسه للشغاله.

ولما سألتيني ماقدرت أجاوبك في نفس اللحظه لأنك كنت معصبه ومنفعله ولوقلت هذا الكلام ماراح تصدقيني وراح يطلع صوتنا برى اللبيت ويسمعوننا أهلي .

وقال أنامستعد أسفر الشغالات كلهن شغالتي وشغالت أمي علشان ترتاحين بس

وبصراحه يابنات لما حلف على المصحف صدقته وقمت حبيته على راسه وإعتذرت منه

وتصالحنا واليوم الثاني جلس في البيت وماطلع ولانزل لأمه علشان يثبت لي إن الشغاله مو أكبر همه ولاهو حريص عليها..


والحمد لله على كل شيء
واللهم أصلح حالي وحال المسلمين أجمعين وأستر عليّ وعلى ذريتي إلى يوم الدين والمسلمين أجمعين واللهم سخرلي زوجي وأحفظه لي ولذريتي يارب إنك مجيب الدعاء