الحمد لله على الصلح ... و الله يحفظكم أنتي وزوجك وذريتك من كل شر أخيتي... اللهم آمين .. والله أني فرحت لك ...

و لكن نصيحة يا أختي .... المفروض الشغالة ما تجلس طالما هذه تصرفاتها ...

- إذا كان زوجك صادق فيما يقول ( و إن شاء الله هو كذلك ) خليه يطلب هو بنفسه من أمه أن الشغالة هذه تتسفر لأنه لاحظ عليها حركات ماهيب زينه من النوع إياه و أنها اعترضت طريقه أكثر من مرة ، ويقول لأمه أنه خايف على نفسه و على إخوانه من شر هالشغالة الله يكفيكم شرها و أنه ممكن تبلاهم الله يكفينا الشر أو تجيب أحد من برا وتحمل ثم تبلا أحد منهم ... و إن شاء الله الأم أكيد تخاف على عيالها و بترضى أن الشغالة تتسفر .. ( نصيحة أختي اتبعي هالحل ، منها تحفظين لزوجك ماء وجهه وكرامته ومكانته قدام أهله و قدام نفسه ، واستري على زوجك و لا تنسين أن من ستر على مسلم ستر الله عليه في الدنيا والآخرة ، و منها أنك أنت بعيدة عن الموضوع ترى مهوب حلو للحرمة تبين قدام حمولتها وأهل زوجها أنها ترجف عليه و خصوصا أن وضعك مع خالتك خصوصا ماهوب ذاك القد فممكن تستغل نقطة الضعف هذه ضدك وتتعمد إغاظتك و لو مع أخريات ) ..

- الشغالة لازم ما تحس بأي شيء ، بالعكس خلي معاملتك معها أحلى من العسل و لا كأن فيه أي شيء ، بس احرصي أنها ما توصل لشيء خاص فيك أو لزوجك أو عيالك ..

- قبل تروح و هذه نصيحة المفروض الكل يتبعها مع كل الشغالات صراحة ، اشتري لها شنط جديدة و أغراض و ملابس جديدة كل شيء بأكياسه قدر الإمكان و لا تأخذ شيء مستعمل معها و إذا ولا بد لازم تفتشينه زين ، و بعدين لازم قبل تروح تملين عينها مافيه مانع من هدية باسمك وهدية من عيالك و لو كانت بسيطة مغلفة مع كلمات شكر ( في الأخير هي إنسانه ) و هذه الحركة صدقيني بتترك أثر طيب عنكم في نفسها وبتفكر مليون مرة قبل لا تأذيكم ...

- إذا انتهى الموضوع على خير و سافرت الشغالة ، قفلي على الموضوع و لا عاد تذكرينه أو تطرينه قدام زوجك ، و لا تنسين أن التائب من الذنب كمن لا ذنب له ...

و في الآخر عندي كلمتين يمكن أناقض فيها كل كلامي اللي فوق بس ما عليه لازم أقوله لأن صراحة أحس أنه هو الأقرب للواقع ....


و هو يمكن أن كل اللي صار ماله أي أساس و شكوكك وساوس من الشيطان ليس إلا ...

- ترى الحرمة و هي في الأربعين بشعورها وبدون شعورها تخاف على زوجها و تحس أنه في هالفترة ممكن يروح منها أو يلتفت لغيرها أو يغويه الشيطان بسبب بعدها عنه والفراغ اللي يتركه غيابها عنه ..

- الشغالات حبيبتي ترى طبع فيهم قل الستر ( ادخلي على شغالة وهي تغسل الملابس في الحمام و شوفي وشلون جالسة ) أو حتى و هي تنظف في البيت أو تغسل حمام ، تلقينها رافعة ملابسها و لا همها من بيشوفها ... واللي يدل كلامك أنها وهي رافعة ملابسها كان في يدها شغل لخالتك يعني أنها كانت لاهية ومتحمسة ( ولكن بعد ما يمنع أن بعضهم فيهم شر و نياتهم شينة ) عشان كذا دائما يفضل أنهم يلبسون بناطيل قطن تحت ملابسم أو يلبسون بنجابي طويل و بالذات قليلات الستر منهم ..

- أنت عزيزتي واضح أنك مهيأة للشك من قبل ، كلامك أن الشغالة على قدر من الجمال هذا أكيد خلاك تخافين من أول ما وصلت ثم بعدك عن زوجك ومثل ماقلت لك من قبل شعور الحرمة في الأربعين ، ثم جت هالحركات اللي صارت و أكدت لك شكوكك و الشيطان شاطر ...

- ردود زوجك و كلامه يدل على صدق كلامي فزوجك حلف لك وأنت بكلامك تقولين أنه راعي صلاة وخوف من الله ، و من حلف له بالله فليصدق .. و إن كان كاذب فذنبه على جنبه ..

- في هالحالة عزيزتي خلك من الشكوك و احرصي على تستير الشغالة في ملابسها بطريقة غير مباشرة كأن تشترين لشغالتك للبيت مثلا يونيفورم بنجابي و تجيبين لشغالة خالتك مثلها ولو أحد سألك قولي بصراحة أن شكلها أرتب و أريح في الشغل ومن هالحجج يعني لا تبينين لأحد أنك جايبتها أساسا عشان تسترين شغالة خالتك ..

- دائما خلك واسطة بين زوجك والشغالات يعني لا تتركين فرصة لاحتكاكهم فيه و قومي أنت بكل واجباته ...

- لا تصيرين شكاكة و لا تدققين ترى كذا أنت تتعبين وتتعبين اللي حولك ..

- احرصي على أن تكوني قريبة من زوجك و أن تملأي عينه و قلبه بكل ما يحب ... فالزوج يحب المرأة الودودة المحبة التي تملأ عقله وقلبه فلا يعد يفكر في غيرها ...


كتبت لك ردين متناقضة أنا عارفة لكن كان لازم أكتبها كلها .... لأن كل منها ممكن يكون صحيح و أنتي عزيزتي اللي عشت المشكلة وتقدرين تقررين أيها أقرب للواقع بعد ما هدأت ظنونك وسكنت نفسك الآن ، ما أكذب عليك أول ما قرأت مشكلتك حسيت بقهر و كتبت لك رد قريب من ردود الأخوات لكن بعد ما قرأت كل موضوعك و ردود زوجك تغير الحكم عندي على زوجك وهذا هو المفروض أن الواحد ما يتسرع بحكمه على أي شخص إلا بعد ما يسمع منه ، الله يديم عليك الفرحة و يحفظك يارب من كل شر وكل المسلمين اللهم آمين :27: ...

حسبي الله ونعم الوكيل

الله يعينك ويساعدك

مافي الا انكم تسفرون هالشغاله

يا سبحان الله .. تصدقين أنا أعرف وحده نفس سالفتج بالضبط .. وللعلم زوجها ملتزم ولا تطوفه صلاة ..ولا كانت عنده هسوالف من قبل .. ولا كانت عنده سوالف الحريم كلش ..المهم شسوت المره المسكينه يوم درت فيه ؟ بلأول طنشت جنها ماتشوف وعدتها على خير بعدين الأخ اخذ راحته وقام ينزل للخادمة لغرفتها وأحيانا يقعد معاها في الصالة طبعا لما يتأكد ان الزوجة وعيالها نايمين..
عاد تنزل الزوجه فيوم صدفة رايحه للمطبخ وتشوفهم(( زوجها والخادمة)) قاعدين بالظلمة قراب من بعض حيل ويسولفون وهم تبلعها وتسكت واهي بقمة الألم بس عشان ماتخرب بيتها ولا تحسس عيالها بشي.. تدرين شنو صار بعدين؟ والله الخدامة تشوفينها تقولين اهي راعية البيت ماتشتغل عدل وكله تتحلطم لانها عارفة انها ماسكة الرجال ولا يقدر احد يزعلها دام رب البيت تفره على كيفها .. المهم الزوجة بعدين زعلت زعلة جايدة لانه لا الرجال صلح واستحى ولا الخدامة صدته.. راحت وقالت للزوج انها متضايقة من طريقة تعامله مع الخدامة لانه مطيح الميانة معاها ويضحك معاها بزيادة ولا قالتله علي تشوفه كل ليلة ..اهوا طنش واهي ظلت زعلانه بس ماطلعت من بيتها قاعده في بيتها لكن ماتكلم الزوج ولا كأنه موجود وقام اهوا عاد يسوي روحه مو مسوي شي وانه ماتستاهل السالفة حركاتها هاذي .. انفجرت و قالت يا أنا يا هي .. ماتقعد في البيت دقيقة وحده هلخدامة.. قعد يحاول يقنعها انه هلمرة زينه تفهم على شغل البيت عدل واذا بيقدم على خدامة ثانية بياخذ وقت على ماتوصل ورمضان جاي ومحتاجين وحده تفهم شغل البيت (( حسبي الله ونعم الوكيل من جذي أزواج )) ..
المهم صار اللي تبيه الزوجة وسفرت الخدامة.. بس عاد شنو؟ الخدامة اللي وراها نفس السالفة .. وكذلك اللي وراها ...معنهم والله مو من زينهم عاديات ..
تعبت المره تقول والله ماعاد يهمني كيفه يسوي اللي يبي .. هلرجال نفسه ردية شسوي العيب مو من الخدم من الرجال ..
المشكلة انه الأطفال يشوفون سوالفهم ابوهم واهما بلإبتدائي يعني تروالي يفهمون ويستوعبون حركات ابوهم ..والله يا انه سوالف هالرجاجيل كرهتنا بالزواج
قرقت عليج ها ؟.. المهم انا اللي بقوله لج .. لاتصيرين مثل رفيجتي هاذي ... والله لو الرجال زين وربي لو تجيه وحده ملكة جمال وتغريه يردها و يصدها .. انتي خلج من الخدامة وحاولي بزوجج ذكريه بربه وخوفيه .. حصنيه اهوا لانج ماتضمنين لما يروح الدوام ولا يسافر انواع واشكل الحريم اللي بتمر عليه واللي بتحاول فيه عاد حزتها ماتكونين عنده شيرده وشيمنعه ؟
البنات ماقصرو وقالولج شلون تحصينه وتقوين علاقته بربه ...

سفرووووها خلها تسير لا بركتن ابها ..
و انتي اشعنه اتقولين حق ريلج بس حسبي الله فيك !!!!!!!!
يا حرمه هذا ما بيأثر فيه ازززززززعلي و لا تعطينه وي و لمحي قد ما تقدرين على شده زغلج عشان يعرف قدرج .. ترى الرياييل ما اييون الا بالعين الحمرا ..

لا تسككككككتي انفذيه يعلني بلاها << قمت اخورها
بس و الله انقهههههههرت لا و بعد شغااااااله ..


لا اله الا الله

اذا كانتي انتي مصدقه عذر زوجك

مستحيل تكذبين حركات الشغاله اللي كانت قدام عيونك

ومستحيل تتجرء وتسوي الحركات لو زوجك غاض بصره

يعني ابسط توقع ممكن يكون لو احسنا الظن بزوجك انه مطلق لبصرة العنان

انصحية واعطيه اشرطه فيها عن غض البصر

ذكريه بالرجل اللي كان من حفاظ القران واطلق العنان لبصرة فتزوج نصرانيه وتنصر معها سلب الله اسلامه منه لنضرة حرام راى فيها النصرانيه ونسى جميع ما حفظه من القران
ما عدا ايتان .

ولازم تمشون الشغاله ......... واتحدى يمشيها ..........

اذا حركاتها عاجبته بيقعد يماطل فيك كل يوم لين ما تنسين ...........

وبعدها يجي يوم....... انتي تمشين فيه.......

مش هي ( من سحر تعمله لك او تلحس عقله )

تصرفك من البدايه وسكوتك كان غلط كان المفروض تقومين الدنيا وتقعدينها تضربين الشغاله قدامه وتمسحينها في الارض عشان يخاف ويعرف ان الدور جايه ......

اتمنى انك تصلحين غلطك وتبطلين سلبيه وتمشين الشغاله

و انتبهي لنفسك