لاتفكرين بالحمل

وابعدي عنه شوي واثقلي عليه شوفي يفيد معه

اذا مافاد تقربي منه وشوفي وش الشي اللي يبيه وش اللي مضايقه وينفره منك

الله يحنن قلبه عليك ويخلق الالفه بينكم

دامك قلتي خذاك غصب عن اهله معنى هذا انه يحبك والا ليش يوقف بوجههم عشانك المشكلة حبيبتي انه تندم وحن لاهله

وبدل ما يلوم نفسه لانه زعلهم حول شعوره بالذنب للسبب في القطيعة واللي هو انتي الله يعينك وضعك صعب لكن ممكن

ينحل الان هو لازال باقي في قلبه محبة لك لكن الكره موجود وواحد منهم بيزيد على حساب الاخر اما انك تكوني قد

التحدي وتخلي الحب يغلب الكره والا استسلمي من بدري التطنيش بحالتك مو حل ابدا الحل ان اهله يحبونك او يقبلوك

من قلوبهم مو بس عشان ولدهم لازم تبني لنفسك مكانه عندهم والحين عندك فرصه قريبة بالعيد تقربي لهم توددي لهم

واني ادرى باللي ممكن ينفع معهم لا تدخلي معهم بنقاشات ولا حساسيات والاهتمام الزايد اللي تبينينه لزوجك حولي

جزء منه لامه وابوه وتحملي منهم الكلام الا اذا تعدوا على اهلك ولا تخليهم يذلوك سوي كل شي بدون تصنع انتي باين

عليك طيبة وتقدري تكسبي الناس بسهولة لكن بنفس الوقت سهل استغلالك قوي قلبك ولا تقبلي احد يدوس لك على

طرف الذكاء هنامو بالمواجهه الذكاء انه يلقى الكل معك القريب والبعيد والايام اللي يحطك فيها عند اهلك اطلبي منه

يوم عند اهله ويوم لك تقررين اللي تبين فيه ويوم يكون لاهلك كلامي مو معناه انك تستمري معه بنفس الاسلوب خففي

الاهتمام به ولا تغلطي وتوريه انك صرفتي اهتمامك للتنظيف غلط كذا انتي تعززي عنده فكرة انك مجرد وحده تخدمه

لا يشوفك مشغوله عنه بشغل البيت ابدا اذا اشغلتي نفسك انشغلي بنفسك تجميل قراءة دورات صلاة عبادة اهل

وصديقات كذا الفكرة اللي بتثبت بعقله انك انسانة تكرمت عليه بانها تخدمه لا تتسولي المشاعر منه خليه هو بنفسه

يحس انها حق عليه موشي يتصدق عليك فيه واهم شي لا يقرا هالموضوع والا ما بتستفيدي لك تحية وخبرينا وش

يصير عليك

يمكن كتبها عشان غرض ثاني او يبغا يشوف حل لواحد من اصحابه
طالما ماقللها لك صريحه فمعناه اطمني مو قاصدك لان الرجال مايستحون وجيههم صبه لو بيكرهك بيقولها في وجهك مابيخبي عليك

اطمني مايكرهك ولاشي

اختي زي ماقالوا بعض الاخوات احقريه
ترى الرجال مايحب المره اللي تجري وراه
يحب هو يجري وراها
والله انا زوجي كذا اذا حقرته يجري وراي

الله يهديه